Elordada qala turǵyndary men qonaqtaryna arnalǵan esirtki quqyqbuzýshylyqtarynyń aldyn alý maqsatyndaǵy aýqymdy profılaktıkalyq aksııa jańa ári erekshe formatta uıymdastyryldy, dep habarlaıdy Egemen.kz
Is-sharany Astana qalasy Polısııa departamentiniń Esirtki qylmysyna qarsy is-qımyl basqarmasy, «Saryarqa» aýdany ákimdigi jáne respýblıkalyq Ulttyq ulan birlesip ótkizdi. Aksııanyń basty maqsaty – halyq arasynda esirtkige degen teris kózqaras qalyptastyrý, salaýatty ómir saltyn nasıhattaý jáne «Zań men tártip» qaǵıdatyn nyǵaıtý.
Profılaktıkalyq shara Esil ózeniniń jaǵalaýynda ótip, kópshilik nazaryn aýdarǵan erekshe qoǵamdyq oqıǵaǵa aınaldy. Keshki ýaqytta jaǵalaý boıymen bortynda «Astana – esirtkisiz qala!» degen banner jáne zańdylyq pen quqyqtyq tártip qaǵıdatyn beıneleıtin «Zań men tártip» jazýy japsyrylǵan teplohod júrip ótti.
Is-sharanyń erekshe atmosferasyn Ulttyq ulan orkestriniń óner kórsetýi tolyqtyrdy. Mýzykanttardyń kásibı ári áserli oryndaýy aksııanyń kórkin asha tústi. Olardyń jarqyn mýzykalyq kompozısııalary qala turǵyndaryna kóterińki kóńil-kúı syılap, profılaktıkalyq sharany este qalarlyq mádenı oqıǵaǵa aınaldyrdy.
Keıin baǵdarlama jaǵalaýda ótken orkestr konsertimen jalǵasty. Sonymen qatar turǵyndardyń esirtkiniń zııany men onyń zańsyz aınalymynyń saldary týraly habardarlyǵyn arttyrýǵa baǵyttalǵan aqparattyq paraqshalar taratyldy.
Uıymdastyrýshylardyń aıtýynsha, qazirgi zamanǵy profılaktıka tek túsindirý jumystarymen shektelmeıdi, sonymen qatar mańyzdy áleýmettik úndeýlerdi halyqqa tıimdi jetkizýge múmkindik beretin jańa ózara is-qımyl formattaryn qamtıdy.
Nashaqorlyqqa jáne esirtki bıznesine qarsy kúres jospary bekitildi
Is-sharaǵa eriktiler de qatysyp, aksııany uıymdastyrýǵa jáne turǵyndarmen jumys júrgizýge belsendi túrde atsalysty.
Mundaı sharalar kópshiliktiń nazaryn mańyzdy máselege aýdaryp, esirtki qaýpine qarsy kúres búkil qoǵamnyń ortaq mindeti ekenin, al qaýipsizdiktiń negizi «Zań men tártip» qaǵıdatynda jatqanyn taǵy bir márte eske salady.