Áleýmettik nysandar qurylysy qarqyn aldy

Qurylysshylardyń aı­týyn­sha búginde ǵı­­­marattyń sha­tyry sý ótkizbeıtin materıal­­­men qaıta jabyldy. Sondaı-aq jylýustaǵysh materıaldarmen de qaptaldy. Bul jumys bú­gin­de aıaqtalýǵa taıap qaldy.  Ǵımaratty gıdro, jylý­oq­shaýlaǵysh materıaldarmen qap­tatý mańyzdy deıdi mamandar. Sol arqyly jaýyndy kúni tóbeden sý sorǵalamaıtyn bolady. Al qys kezinde ǵımarat ishinde jylý saqtalady. 

Muz saraıynda qalyp turǵan endigi jumys ol ishiniń jańǵyr­tyl­ýy. Birazdan beri jóndeý kórmegen ǵımarat ishi toza bastaǵan-dy. Ásirese aıdyndy muz alańynyń beton jabyndysy jarylyp, syzat paıda bolyp, úgitile bastaǵan edi. Endi qurylystyń sońǵy tehnologııasy boıynsha jańa beton jabyndysy tóseledi. Odan bólek ǵıma­rat ınfraqurylymyna kire­tin kommýnaldyq-ınjenerlik júıe­ler qaıta júrgizilip, kásibı sportshylarǵa da, kelgen qonaqtarǵa da barynsha jaıly jaǵdaı jasalady. Qurylys sala­­sy­nyń mamandary ǵımaratty jóndeýde zamanaýı qurylys normasynyń talaptaryna saı jumys atqarady. Qyzmet sapa­synan bólek qoldanylatyn ma­terıal­dardyń da sapaly bo­lýy­­na úlken kóńil bólinedi. Sebebi kele­shekte bul nysan halyq­ara­lyq aýqymdaǵy qysqy sport túr­le­rin ótkizetin mańyzdy keshenge aınalýǵa tıis.

О́z kezeginde qurylysqa jaýapty mamandardyń málimdeýinshe, Muz saraıy, joǵaryda aıtyl­ǵan­daı, paıdalanýǵa berilgen kúnnen beri birde-bir ret jóndeý kórmepti. Nysan biraz ýaqyt jekeniń paıdalanýynda boldy. Ol memleket menshigine qaıta ótken soń jergilikti ákimdik ishi-syrtyn tolyq jańǵyrtýǵa sheshim qabyldady. Jóndeý jumysy aıaq­tal­ǵannan keıin Muz saraıy qa­la turǵyndary men sport­­shy­larǵa zamanaýı talaptarǵa saı qyzmet kórsetetin bolady. Sondaı-aq keshen qaýipsiz ári muz ústinde syrǵanaýdy unatatyn jandarǵa arnalǵan jaıly sport nysany bolady degen úmit bar. Sport keshenin bıyl tamyz ­aıynda paıdalanýǵa berý jos-parlanyp otyr.

Muz saraıy jóninde jalpy statıstıkaǵa nazar aýdarsaq, onyń trıbýnasynyń syıymdylyǵy 2 500 kórermendi qamtıdy. Al keshen­niń muz aıdynynda bir mezette 300 adam konkı­ tebe alady. Joǵa­ry­da atap ótkendeı sport saraıy 2017 jyly jekemenshik basqarýǵa ótip ketken. Alaıda qala ákimdigi keshenniń áleýmettik mańyzdylyǵyn eskere kele, 2024 jyly sport ǵımaratyn qaıta memleket menshigine ótkizý týraly sheshim qabyldaıdy. Sóıtip, Muz saraıynyń 67 paıyzdyq úlesi qaıtadan memleketke qaıtaryldy.   

Bıyl sondaı-aq tótenshe jaǵ­daı­lar qyzmeti ornalasatyn 3 nysandy paıdalanýǵa berý josparda bar. Sonyń ishinde Bozaryq-3 shaǵynaýdanyndaǵy órtke qarsy qyzmet beketi bul kúnderi jumysyn bastap ketti. Jalpy, Shymkent qalasynda keıingi jyldary halyqtyń qaýipsizdigi men densaýlyǵyna jaýapty qyzmet túrlerin bir mekenge jaıǵastyrý tájirıbesi qolǵa alyna bastady. Munyń tótenshe jaǵdaı kezinde jedel áreket etýge paıdasy zor ekenin aıtady mamandar. Operator pýltine túsken qońyraýdan keıin jedel járdem de, órt sóndirý kóligi de, polısııa da bir beketten jolǵa shyǵyp, oqıǵa bolǵan jerge dereý jetedi.  Mun­daı ádistiń oqys jaǵdaı kezin­de qutqarýshy men tótenshe qyz­met ókilderine ýaqyttan utýy­na kómegi zor. Sonymen qurylys jobasy aıasynda tótenshe jaǵdaı, polısııa, jedel járdem brıgadasy orna­lasatyn keshende qyzmettik bólmeler, gaz-tútinnen qorǵaý qyz­metiniń beketi, oqý kabıneti, ashana, oqý-jattyǵý munarasy, sport alańy, garaj men avtoturaq qarastyrylǵan. Jo­ǵaryda atap ótkenimizdeı, jańa depo jedel qyzmetterdiń oqıǵa ornyna ýaqyt únemdep, jyldam barýyna, sondaı-aq jalpy mega­polıstiń qaýipsizdik júıesin ny­ǵaıtýǵa zor septigin tıgizip otyr.

Aıta ketý kerek, búginde Jańatalap shaǵynaýdanynda osyn­daı zamanaýı ámbebap keshen­niń qurylysy júrip jatyr. Munymen qosa Turan shaǵyn­aýdanynda 4 tehnıka syıa­tyn órt sóndirý depo­synyń qury­lys-montajdaý jumysy aıaqtalýǵa jaqyn. Atal­ǵan órt sóndirý beketi bıyl jyl sońy­na deıin paıdalanýǵa berilmek.