Investısııa Ulytaýdyń órkendeýine serpin beredi

Búginde ınvestısııa­ negizinen aýyl sharýa­shy­ly­ǵy, qaıta óńdeý óner­­­kásibi, renovasııa, ınfr­a­qu­rylym salalaryna baǵyt­tal­ǵan. Indýstrııalyq jáne sha­ǵyn ón­diristik aımaqtar arqy­ly ın­ves­torlarǵa daıyn ınfra­­qury­lym usynylyp, qolaıly jaǵdaı jasalyp otyr.

2025 jyldyń qorytyndysy boıynsha oblystyń negizgi kapıtalyna tartylǵan ınvestısııa kólemi 260 mlrd teńgeni qurady, naqty kólem ındeksi 3,4%-ǵa ósti. Bıylǵy jyldyń qańtar-naýryz aılarynda ınvestısııa 40,6 mlrd teńgeni qurap, ótken jyldyń sáıkes kezeńimen salystyrǵanda 1,7 esege artty.

Qazir Memleket basshysynyń ınvestısııa tartý jónindegi tapsyr­malaryn oryndaý sheń­berinde naqty jobalardy iske asyrý maqsatynda bir­qa­tar sheteldik kompanııa­men kelissóz júrgizilip jatyr. Nátıjesinde, oblysqa tikeleı sheteldik ınvestısııalardy tartý, jańa óndirister ashý, ekonomıkany ártaraptandyrýdy qam­tamasyz etý baǵytyndaǵy ju­mys jandanyp keledi. Uly­­­taý oblysyndaǵy ınvestısııa­­lyq jobalar men renovasııa baǵdar­lamasynyń júzege asýyn arqaý etken bas­pasóz konferensııasynda oblys ákiminiń orynbasary Nurtas Káripbaev atqarylyp jatqan jumys barysy týraly baıandady.

«2026 jyly jalpy quny 11,8 mlrd teńge bolatyn 200-ge jýyq jumys ornyn qurýdy kózdeıtin tórt iri jobany paıdalanýǵa berý josparǵa endi. Alǵashqysy Taý-ken baıytý fabrıkasyn salý jáne kómirdi baıytý, quny – 7 mlrd teńge. Asfaltbeton zaýytynyń qurylysy – 2 mlrd teńge. Saqtaý qýaty bir mezgilde 10 myń tonnaǵa deıingi kókónis qoımasyn salý 2 mlrd teńgeni quraıdy. Sonymen qatar qat­ty turmystyq qaldyqtardy káde­ge jaratý jáne kómý polıgo­ny bazasynda qaǵaz, plastık jáne rezeńke tehnıkalyq buıym­dar­dyń qaldyǵyn qaıta óńdeý – 840 mln teńge. Osy jobanyń barlyǵy jyl sońyna deıin paı­dalanýǵa berilmek. Qazir Uly­taý oblysy «PetroKazakhstan» kompanııasymen birlesip, quny 49 mlrd teńge bolatyn energııa saqtaý júıesi bar, qýaty 100 MVt jel elektr stansasyn salýdy josparlap otyr», deıdi oblys ákiminiń orynbasary.

Byltyr Sátbaev qalasynda respýblıkalyq mańyzy bar ındýstrııalyq aımaq quryldy. Atalǵan joba – oblys ekonomıkasyn ártaraptandyrýǵa, jańa óndiris oryndaryn ashýǵa, turǵyndardy turaqty jumyspen qamtýǵa baǵyttalǵan mańyzdy bastamanyń biri. Indýstrııalyq aımaqtyń jalpy aýmaǵy 12 gektardy quraıdy (25 jyl mer­zimge), ony 50 gektarǵa deıin ke­ńeı­tý múmkindigi bar.

Qazir ındýstrııalyq aımaqqa elektr, sý, jylý jáne káriz jeli­­lerin tartý boıynsha qury­lys jumysy júrip jatyr. Bul jumys jaqynda aıaqtalady. Jobanyń jalpy quny 822,4 mln teńgeni quraıdy.

Byltyr ındýstrııalyq aı­maq­qa jergilikti bıýdjetten ınje­nerlik-kommýnıkasııalyq ınfraqurylym tartý maqsatynda 125,9 mln teńge bólindi. Bólingen qarajat esebinde sý qubyry jelisin júrgizý jumysy oryndaldy. Sonyń ishinde: qurylys-montaj jumysy – 122,7 mln teńge, tehnıkalyq qadaǵalaý – 2,7 mln teńge, avtorlyq qadaǵalaý – 0,5 mln teńge.

Indýstrııalyq aımaqty qurý tu­jyrymdamasyna sáıkes ın­fraqurylym (IKI) qýatty­ly­ǵyna toqtalsaq, elektrmen jabdyqtaý – 2,8 MVt, jylýmen jabdyqtaý – 2,8 Gkal/saǵ, sýmen jabdyqtaý – 57,8 m³/táýlik, káriz júıesi – 96,0 m³/táýlik, avtojoldar – 0,296 km (ındýstrııalyq aımaqty jalpy paıdalanymdaǵy joldarmen qosý), temirjol – 0,923 km (qoldanystaǵy temirjol stansasyn qosqanda), gazben jabdyqtaý – 8 000 m³/táýlik (2027 jylǵa josparlanǵan).

Osy ındýstrııalyq aımaq aýmaǵynda jobalardy iske asy­rýǵa birneshe áleýetti ınves­tor qyzyǵýshylyq tanytqan. Atap aıtqanda, rezeńke jabyndylar, qurylys materıaldary, moıyn­tirekter, shynypaketter óndirý jáne qoımalyq ınfraqurylym jobalary bar.

Indýstrııalyq aımaqtyń tolyq iske qosylýy oblysqa ınvestısııa tartýǵa, jańa óndirister ashýǵa, turǵyndardyń ál-aýqatyn arttyrýǵa úlken serpin beredi.

2026 jylǵy 27 naýryzda Qytaı Halyq Respýblıkasyndaǵy Sıan qalasynda elimizdiń Bas kon­sýldyǵynyń qoldaýymen Uly­taý oblysy men Shensı provın­sııasy arasyndaǵy saýda-ekonomıkalyq yntymaqtastyq forýmy ótti. Iskerlik kezdesýge oblys ákimi, memlekettik organdar ókilderinen quralǵan delegasııa, sondaı-aq Qytaı jáne Qazaqstan kompanııalarynyń shamamen 100 ókili qatysty.

Forým aıasynda Ulytaý ob­ly­­synyń ınvestısııalyq áleýeti men óńirdiń negizgi ynty­maq­­tastyq baǵyttary, uzaq­mer­zimdi ınvestısııalyq joba­lary tanystyryldy. О́ner­kásipti damytýǵa, turǵyn úı-kommýnaldyq ınfraqurylymǵa jáne agroónerkásiptik keshenge erekshe nazar aýdaryldy. Sonymen qatar G2B jáne B2B for­mattarynda kezdesýler ótki­zildi.

Qorytyndysynda jalpy quny 12,5 mlrd teńgeni quraıtyn alty memorandýmǵa qol qoıyldy. Atalǵan jobalar turǵyn úı-kom­mýnaldyq ınfraqurylymdy jań­ǵyrtý, metallýrgııalyq shlak­­­tardy qaıta óńdeý, agro­óner­kásiptik keshendi damytý baǵyt­taryn qamtıdy.    

Sonymen qatar sheteldik ınves­tısııalardy tartýdy jan­­dan­dyrý, Qytaı Halyq Respýblıkasymen saýda-ekono­mı­­kalyq yntymaqtastyqty keńeıtý maqsatynda Sıan qala­­synda Ulytaý oblysynyń О́kil­digi ashyldy. Iskerlik kez­de­sýde talqylanǵan jobalardyń biri – turǵyn úı-kommýnaldyq ınfra­qurylymdy jańǵyrtý. Bul joba – turǵyn úılerdi jańartý ǵana emes, sonymen qatar qalalardyń kelbetin jańǵyrtýǵa, zamanaýı jáne qaýipsiz ómir súrý ortasyn qalyptastyrýǵa baǵyttalǵan strategııalyq bastama. Osy joba aıasynda Ulytaý oblysynda turǵyn úı qoryn renovasııalaýdyń jańa biryń­ǵaı baǵdarlamasy ázirlendi. Ázirlengen baǵdarlamany alda­ǵy ýaqytta zańdy jáne tıimdi iske asyrýdy qamtamasyz etý maq­sa­tyn­da oblystyq máslıhattyń qaraýy­na jáne bekitýine usyny­lady.

Oblys kóleminde kóppáterli turǵyn úı qorynyń aǵymdaǵy jaǵdaıyn taldaý nátıjesinde kóppáterli turǵyn úılerdiń jalpy sany 1 545 ekeni anyqtaldy. Onyń ishinde 457-si tozyǵy jetken, 63-i – apatty jaǵdaıdaǵy turǵyn úıler. Taratyp aıtsaq, Jezqazǵan qalasynda – 23 apatty úı, Sátbaev qalasynda – 31 apatty úı, Qarajal qalasynda – 7 apatty úı, Ulytaý aýdanynda – 2 apatty úı tirkelgen.

Ulytaý oblysynda apatty úılerdi súrý bastaldy. Oblys ortalyǵy Jezqazǵan qalasynda renovasııa baǵdarlamasyn iske asyrý sheńberinde Abaı kóshesi №53, 55, 57, 59 mekenjaılarynda ornalasqan apatty turǵyn úılerdi súrý jumysy qolǵa alyndy. Jumys kezeń-kezeńimen júzege asyrylady. Alǵashqy kezeńde Abaı kóshesindegi №57 turǵyn úı súriledi. Kelesi ke­zeńde qajetti daıyndyq jáne uıymdastyrý jumysy aıaqtal­ǵannan keıin №59 turǵyn úıdi buzý josparda tur.

Shyǵa­rylǵan qurylys qaldyǵy men qoqys arnaıy tehnıka arqyly qatty turmystyq qal­dyq polıgonyna jetkiziledi.

Atalǵan joba qalanyń tur­ǵyn úı qoryn jańǵyrtýǵa, tur­­ǵyndardyń qaýipsizdigin art­tyrýǵa, zamanaýı turǵyn úı ınfraqurylymyn damytýǵa baǵyttalǵan. Súrilgen úıdiń ornyna eki bloktan turatyn jańa kópqabatty turǵyn úı salý jos­parlanyp otyr.

Sátbaev qalasynyń ákimi Murat Bóribaevtyń aıtýynsha, qalada eski jáne apatty turǵyn úı­lerdi jańartý baǵytynda kezeń-kezeńimen jumys júr­giziledi.

«Osy maqsatta Qytaı Halyq Respýblıkasynyń «China-Kazakhstan Silk Road Yuntu (Xi’an) Technology Development Co., Ltd» kompanııasymen birqatar kezdesý ótkizildi. Kezdesý barysynda oblys aýmaǵyndaǵy tozyǵy jetken turǵyn úılerdiń naqty jaǵdaıy tanystyrylyp, jobalardy iske asyrýdyń tetikteri, kezeńderi men yqtımal sheshimderi jan-jaqty qarastyryldy. «Baqytty qala» jobasy aıasynda oblysymyzda turǵyn úı qoryn jańǵyrtý boıynsha «Ulytaý» ÁKK» AQ men ınvestor arasynda ózara is-qımyl jáne uzaqmerzimdi áriptestik týraly memorandýmǵa qol qoıyldy. Bul – óńirdiń tur­ǵyn úı ınfraqurylymyn jańartýǵa baǵyttalǵan mańyzdy qadamdardyń biri», deıdi qala ákimi.

Jobany iske asyrmas buryn basym aýmaqtar aıqyndalyp, alǵashqy kezeńde Sátbaev qala­syndaǵy Gýrby kóshesi 4-úı jáne 6-úı, sondaı-aq Sátbaev kóshesi, 74–76 mekenjaıyndaǵy bos turǵan turǵyn úıler qarastyryldy. Turǵyndarmen sóılesip, jobany kezeń-kezeńimen júzege asyrý tetikteri naqtylanyp, aza­mattardyń múddesi basty nazarǵa alyndy.

Sonymen qatar Jezqazǵan qalasynda burynǵy toqyma fabrıkasy ǵımaratyn rekonstrýksııalaý jobasyn iske asyrý qolǵa alyndy. Ulytaý oblysy ákiminiń orynbasary Nurtas Ǵalymuly uzaq jyl bos turǵan toqyma fabrıkasy ǵımaratyn qaıta jańǵyrtý maqsatynda 2025 jyly 21 shildede jelilerde resmı habarlandyrý jarııalanyp, jergilikti kásipkerlermen kelissóz júrgizilgenin aıtty. Alaıda alǵashqy eki apta ishinde jobaǵa qyzyǵýshylyq tanytqan ınvestor bolmaǵan. Tek 2025 jylǵy 8 tamyzda «SRT Construction» JShS tarapynan jobaǵa qatysý nıeti týraly resmı hat kelip túskennen keıin naqty uıymdastyrý jáne daıyndyq jumysy bastalady.

Nátıjesinde, «Ulytaý» ÁKK» AQ men «SRT Construction» JShS arasynda birlesken qyzmet týraly shart jasaldy. Qazir to­qyma fabrıkasy ǵımaratyn rekonstrýksııalaý jónindegi ınvestısııalyq joba aıasynda ınvestor bekitilgen jobalyq-smetalyq qujattamaǵa sáıkes qurylys-montaj jumysy bas­taldy. Joba boıynsha ǵımarat memlekettik saraptamanyń oń qorytyndysyn alǵan. Jalpy smetalyq quny 4,2 mlrd teńgeni quraıdy. Qarjylandyrý jaǵyna toqtalsaq, 3,5 mlrd teńge (85%) – «Ulytaý» ÁKK tarapynan, 700 mln teńge (15%) – ınves­tor «SRT Construction» JShS (Shymkent qalasy) tarapynan qamtamasyz etiledi. Sonymen qatar ınvestorǵa 1 mıllıard teńge kóleminde ınves­tısııa tartý mindeti júktelgen.

Bul qarajat «SRT Construction» kompanııasynyń ti­ke­­leı ınvestısııasy emes jáne syrtqy qar­jy­landyrý kózderin tartýdy kózdeıdi. Shart talaptaryna saı ınvestor men «Ulytaý» ÁKK» AQ nysandy 2030 jylǵa deıin birlesip basqaryp, qyzmet kórsetedi. Investor bes jyl merzimge atalǵan nysanǵa qyzmet kórsetý mindettemesin óz moınyna alady. Biraq nysanǵa menshik quqyǵy ınvestorǵa berilmeıdi. Joba iske asyrylý kezeńinde ǵımarat «Ulytaý» ÁKK ıeliginde qalady. Besjyldyq merzim aıaqtalǵan soń, ınvestor joba aıasyndaǵy qyzmetin toqtatady. Toqyma fabrıkasynyń ǵımaraty memleket menshiginde qalady.

Búginde ǵımarattan 2 000 tonna qurylys qaldyǵyn shyǵarý jumysy aıaqtaldy. Sonymen qatar terezesi ornatyldy.

Nysan fýnksıonaldyq tur­ǵydan úsh blokqa – A, V jáne S bloktaryna bólingen. «A» blogi damý ınstıtýttaryn ornalastyrýǵa arnalǵan, onyń ishinde «Damý», «Atameken», «Agrarlyq nesıe korporasııasy», «Ulytaý» áleýmettik-kásip­kerlik korporasııasy jáne aýmaqtyq uıymdar qaras­­ty­rylǵan. «V» bloginiń birin­shi qabatynda meıramhana, ekinshi, úshinshi qabatynda qonaqúı, al tórtinshi qabatynda aýmaqtyq uıymdardyń keńsesi ornalas­tyrylady. «S» blogi shaǵyn jáne orta bıznes sýbektilerine arnalǵan. Birinshi qabatta gıpermarket, al joǵarǵy qabat­tarda shaǵyn jáne orta bızneske arnalǵan keńse men kom­mersııalyq úı-jaılar ornalastyrylady.

Jalpy alǵanda, Ulytaý oblysy ınvestısııalyq áleýeti joǵary óńir sanalady. Investısııalyq jobalardy tıimdi iske asyrý - jańa jumys oryndaryn qurýǵa, óndiris kólemin arttyrýǵa, ın­fraqurylymdy jańǵyrtýǵa jáne halyqtyń ómir súrý sapasyn jaqsartýǵa múmkindik beredi.

Ulytaý oblysy