Oqıǵa turǵyn úı keshenderiniń birinde bolǵan. Kýágerlerdiń aıtýynsha, velosıped 11-qabattan tómenge qulaǵan. Beınebaqylaý jazbasyna sáıkes, birneshe sekýnd buryn ǵana bul jerden kishkentaı bala ótip úlgergen. Abyroı bolǵanda, oqıǵa saldarynan eshkim zardap shekken joq, dep jazady Egemen.kz.
Oqıǵadan keıin polısııa qyzmetkerleri jaǵdaıǵa qatysy bolýy múmkin kámeletke tolmaǵan balanyń zańdy ókilderin anyqtady.
Tártip saqshylary ata-analarǵa nemese zańdy ókilderge qatysty balany tárbıeleý jónindegi mindetterin tıisinshe oryndamaǵany úshin ákimshilik hattama toltyrǵan.
Quqyq qorǵaý organdary turǵyndardy qaýipsizdik talaptaryn qatań saqtaýǵa shaqyryp, kópqabatty úılerdiń terezeleri men balkondaryna balalardyń oıynshyqtary men basqa da zattardy qaraýsyz qaldyrmaý qajettigin eskertti.
Buǵan deıin Almaty qalasyndaǵy «Yrysty» turǵyn úı kesheniniń aýlasynda belgisiz bireý balkonnan ishinde temir zattary bar bótelkeni tómenge laqtyrǵanyn jazǵan edik.