Qazaqstan shetelden bıdaı ákelýge qaıtadan shekteý engizýdi josparlap otyr. Aýyl sharýashylyǵy mınıstrliginiń tıisti buıryq jobasy «Ashyq NQA» portalynda jarııalandy, dep habarlaıdy Egemen.kz
Qujatqa sáıkes, bıdaıdy avtomobıl, temirjol jáne sý kóligi arqyly ımporttaýǵa alty aı merzimge tyıym salý usynylǵan.
Shekteý Eýrazııalyq ekonomıkalyq odaqqa múshe memleketterden, sondaı-aq basqa elderden jetkiziletin bıdaıǵa da qatysty bolady.
Qazaqstan Mońǵolııany bıdaımen qamtamasyz etedi
Sonymen qatar birqatar erekshelikter qarastyrylǵan. Temirjol arqyly bıdaıdy qus fabrıkalary, un tartý kásiporyndary, lısenzııalanǵan elevatorlar jáne «Azyq-túlik kelisimshart korporasııasy» ulttyq kompanııasy ımporttaı alady.