Túrkistan qalasyndaǵy halyqaralyq esý arnasynda baıdarka men kanoede eskek esýden eresekter arasyndaǵy Qazaqstan chempıonaty bastaldy, dep habarlaıdy Egemen.kz
Osy jarys kúzde Japonııada ótetin jazǵy Azııa oıyndaryna qorytyndy irikteý saıysy sanalady.
Osy jarysqa elimizdiń 11 óńirinen 130-ǵa jýyq eskek esý sheberi qatysyp jatyr. Búgin jarystyń alǵashqy kúni 1000 metrge jarystar ótti.
«Nagoıa qalasy qabyldaıtyn sary qurlyq oıyndarynda baıdarka men kanoede eskek esýden 12 júlde jıyntyǵy sarapqa salynady. Alaıda ár komanda tek 10 dıssıplınada ǵana sportshy qosa alady. Sonymen qatar Japonııada 1000 metrge jarys ótpeıdi. Tek qysqa qashyqtyqtarda júlde sarapqa salynady. Sol sebepti chempıonattyń aldaǵy kúnderi óte tartysty óteıin dep tur», deıdi Ulttyq quramanyń bas bapkeri Qaısar Nurmaǵambetov.
Túrkistandaǵy jazǵy Qazaqstan chempıonaty 21 maýsymda máresine jetedi.
Azııa oıyndary: Baıdarka jáne kanoe esýden fınalǵa 3 joldama bar