Iran Qazaqstanǵa Parsy shyǵanaǵyndaǵy strategııalyq mańyzy bar port aýmaǵynan jer telimin berýge kelisti. О́z kezeginde Qazaqstan ırandyq tarapqa Kaspıı teńizindegi Aqtaý men Quryq porttarynyń ınfraqurylymyn paıdalanýǵa múmkindik usynady, dep habarlaıdy Egemen.kz.
Qazaqstan Úkimetiniń málimetinshe, Iran bıligi Ormuz buǵazynyń soltústik jaǵalaýynda ornalasqan Shahıd Radjaı tereń sý porty aýmaǵynan jer telimin berý rásimderin aıaqtaǵan. Sońǵy quqyqtyq máseleler rettelgennen keıin nysan Qazaqstan tarapynyń qaraýyna ótedi.
Sonymen qatar Iran Qazaqstanǵa Úndi muhıtyna shyǵatyn mańyzdy teńiz qaqpalarynyń biri sanalatyn Chabahar portyn damytý jobasyna qatysý múmkindigin usynyp otyr. Bul baǵyt Ońtústik jáne Ońtústik-Shyǵys Azııa naryqtaryna shyǵýdyń eń qysqa joldarynyń biri retinde qarastyrylady.
Tramp Iranmen jasalǵan kelisimniń negizgi sharttaryn jarııalady
Kezdesý barysynda taraptar halyqaralyq «Soltústik – Ońtústik» kólik dálizin damytý máselelerin de talqylady. Resmı derekterge sáıkes, 2025 jyldyń qorytyndysynda osy baǵyt boıynsha júk tasymaly 12 paıyzǵa ósip, 3,5 mıllıon tonnaǵa jetken. Al Qazaqstan men Iran arasyndaǵy temirjol arqyly tasymal kólemi 69 paıyzǵa artqan.
Tranzıttik áleýetti kúsheıtý maqsatynda eki el kólik ınfraqurylymyn jańǵyrtý jónindegi birlesken jol kartasyn ázirleýge ýaǵdalasty. Joba júzege asqan jaǵdaıda dálizdiń ótkizý qabileti jylyna 20 mıllıon tonna júkke deıin ulǵaıýy múmkin.
AQSh pen Iran kelisiminen keıin munaı arzandady
Sondaı-aq Qazaqstan, Reseı, Túrikmenstan jáne Iran arasynda tarıftik yntymaqtastyqty keńeıtý máselesi qarastyrylyp jatyr. Bul óńirlik tranzıt baǵyttarynyń básekege qabilettiligin arttyrýǵa múmkindik beredi.