Aqtaýda áleýmettik jelilerge júrgizilgen turaqty monıtorıng barysynda 2026 jylǵy 13 maýsymda ótken shara kezinde kásipkerlik sýbektileriniń biri ákimdikpen aldyn ala kelispesten gúlderdi tegin taratý aksııasyn ótkizgeni anyqtalǵan. Osyǵan oraı kásipker ákimshilik jaýapkershilikke tartyldy, dep habarlaıdy Egemen.kz.
Qala ákimdiginiń málimetinshe, Kaspıı teńiziniń jaǵalaýynda ár senbi saıyn turǵyndar men qala qonaqtaryna arnalǵan bı keshteri ótkiziledi. Barlyq mádenı-kópshilik is-sharalar qoǵamdyq tártip pen qaýipsizdik talaptaryn saqtaı otyryp uıymdastyrylady.
Osy fakti boıynsha Aqtaý qalalyq ishki saıasat jáne tilderdi damytý bóliminiń qyzmetkerleri ýchaskelik polısııa ınspektorlarymen birlesip kásipkermen túsindirý jumystaryn júrgizdi. Tekserý nátıjesinde kásipker Qazaqstan Respýblıkasynyń Ákimshilik quqyqbuzýshylyq týraly kodeksine sáıkes jaýapkershilikke tartylyp, oǵan 20 aılyq eseptik kórsetkish kóleminde aıyppul salyndy.
Elordalyqtardy «avtomatpen» shoshytqan qyz aıyppul arqalady
Qala ákimdigi qoǵamdyq oryndarda kez kelgen jarnamalyq is-sharalardy, promoaksııalardy ótkizý, sondaı-aq gúl, kıim-keshek, azyq-túlik pen basqa da taýarlardy tegin taratý tek ýákiletti memlekettik organdardyń aldyn ala kelisiminen keıin ǵana júzege asyrylatynyn eske saldy.
Vedomstvo ókilderi belgilengen talaptardy saqtamaý ákimshilik jaýapkershilikke ákeletinin atap ótti.