Shildeniń 10-12 aralyǵynda Katonqaraǵaıda «Altaı – túrki áleminiń altyn besigi» atty dástúrli festıval ótedi. Mádenı is-shara Katonqaraǵaı jáne Berel aýyldarynda uıymdastyrylyp, túrki halyqtarynyń ortaq mádenı murasyn dáripteıdi, dep jazady Egemen.kz.
Festıval aıasynda ulttyq óner men salt-dástúrdi nasıhattaıtyn kóptegen mádenı is-sharalar josparlanǵan. Baǵdarlamada aqyndar aıtysy, halyqaralyq mýzykalyq konsertter, etno-mádenı kórmeler, ulttyq sport oıyndary men qolóner sheberleriniń jármeńkesi ótedi.
Sharanyń basty maqsaty – Altaıdy túrki órkenıetiniń altyn besigi retinde tanytyp, baýyrlas halyqtardyń rýhanı baılanysyn nyǵaıtý. Festıvalde kórermender etnografııalyq qoıylymdardy, tarıhı kompozısııalardy, dástúrli án-kúı men bılerdi tamashalaı alady.
Dımash Qudaıbergen týǵan jerinde jańa beınebaıan túsiredi
Katonqaraǵaıdyń kórkem tabıǵaty aıasynda ótetin merekede ulttyq sport túrlerine de erekshe kóńil bólinedi. Kókpar, alaman báıge jáne basqa da dástúrli jarystar uıymdastyrylyp, qonaqtar úshin etno aýyl tigiledi.
Dımash muǵalimderimen júzdesti
Festıval jyl saıyn Qazaqstannyń ǵana emes, Túrkııa, Qyrǵyzstan, О́zbekstan, Mońǵolııa jáne basqa da túrki elderiniń óner ókilderin bir alańǵa jınap keledi. Bul shara Altaı óńiriniń týrıstik áleýetin arttyryp, halyqaralyq mádenı baılanysty damytýǵa mańyzdy úles qosary sózsiz. Ulttyq rýh pen túrki dúnıesiniń ortaq qundylyqtaryn ulyqtaıtyn «Altaı – túrki áleminiń altyn besigi» festıvali bıyl da myńdaǵan qonaqtyń basyn qosyp, Altaı tórin úlken mádenı merekege aınaldyrmaq.
Dımash Qudaıbergen «Taımas» fılminiń túsirilim alańyna bardy
Rýhanı-mádenı keshtiń basty qonaǵy – elimizdiń maqtanyshy Dımash Qudaıbergen.
Katonqaraǵaı aýdany