Jorǵa dýadaqtardy qorǵaý halyqaralyq qory 2015 jyldyń 18 tamyzy men 18 qyrkúıegi aralyǵynda jorǵa dýadaqtarynyń ósimin molaıtý ortalyqtarynda ósirilgen 1400 jorǵa dýadaqty Qazaqstan tabıǵaty aıasyna jiberedi.
Munymen 120 qusqa qımyl-qozǵalystaryn baqylaý úshin arnaıy spýtnıktik qurylǵylardy bekitý josparlanýda.
Jorǵa dýadaqtar Betpaqdala men Qyzylqum aımaqtarynan ushyrylmaq. Atalmysh qustyń qonys aýdaratyn eń kóp sany Qazaqstan aýmaǵynda ónip-ósedi.
Burynyraq, 2009-2015 jyldar aralyǵynda Qazaqstannyń tabıǵatyna 5 300-den asa jorǵa dýadaqtar ushyryldy. Ǵalymdar ornatylǵan spýtnıktik qurylǵylar arqyly jiberilgen qustardyń qımyl-qozǵalystaryn baqylaı aldy. Sondaı-aq, ushyrylǵan jorǵa dýadaqtar Qazaqstannyń tabıǵı ortasyna beıimdelip, qystaý kezeńinde ózderine týystas jabaıy qustardyń dástúrli marshrýtymen júrgenin atap ótken jón.
Jorǵa dýadaqtardyń ósimin molaıtý jáne saqtaý boıynsha Qazaqstan men jorǵa dýadaqtaryn qorǵaý halyqaralyq qory arasyndaǵy kelisimshartqa saı Ońtústik Qazaqstan oblysynyń Báıdibek aýdanynda jylyna 5 000 jorǵa dýadaqtardy shyǵaratyn ortalyqtyń qurylysy jalǵasýda.
Ǵalymdardyń aıtýynsha, Qazaqstannyń tabıǵatyna jorǵa dýadaqtar shyǵarý, olardyń qımyl-qozǵalystaryn baqylaý, Taıaý jáne Orta Shyǵys elderine qystaýǵa kóship-qoný merzimderi men negizgi joldaryn anyqtaý úshin qajet, dep habarlady Aýyl sharýashylyq mınıstrliginiń baspasóz qyzmeti.