PETROPAVL. 19 mamyr. Soltústikqazaqstandyq polıseıler eki jylqy men bir qulyndy kóliktiń tirkemesine salyp, iz sýytpaq bolǵan mal urlaýshylardy quryqtady. Bul týraly oblystyq ishki ister departamentiniń baspasóz qyzmeti habarlady.
Krasnoıarka aýylynyń turǵyny Vasılıı Kalının jabyq qorada jemdeýli turǵan maldardyń jyly ornyn sıpap qalyp, birde Sokolovka polısııa bólimine habarlaıdy. Oqıǵa ornyna jetken tergeý toby urlyqtyń túnde bolǵanyn anyqtap, jedel izdeý sharalaryna kirisedi. Iаkor aýyldyq okrýg aýmaǵynda jyldam júrispen oblys ortalyǵyna qaraı zýlap bara jatqan tirkemeli «VAZ» jeńil kóligi toqtatylyp, tekserip jibergende urlyq maldary sopań ete túsedi.
«Barymtashylar – úsheý. Buryn qylmys jasaǵandary úshin ekeýi sottalǵan. Olar qamaýǵa alynyp, qylmystyq is qozǵaldy. Urlanǵan jylqylar ıesine qaıtaryldy, – deıdi polısııa beketiniń bastyǵy Ǵabıt Bekjanov.
О́mir Esqalı.
Derek, sýret: Soltústik Qazaqstan oblystyq ishki ister departamentiniń baspasóz qyzmeti.