PAVLODAR. 21 mamyr. Oblys ortalyǵyndaǵy Sultanmahmut Toraıǵyrov atyndaǵy ýnıversıtettiń 2014 jyly qoldanysqa berilýi tıis jataqhana qurylysy áli kúnge deıin aıaqtalmaı tur. Bul týraly egemen. kz tilshisi habarlady.
Jobanyń quny 1 mlrd. 100 mıllıon teńgege baǵalanǵan. 500 oryndyq jataqhana qurylysy 2014 jyldyń qazanynda, odan keıin jeltoqsanda, 2015 jyldyń 31 naýryzynda qoldanysqa berilýi kerek edi. Merdiger kompanııa – «TSK Sıgma» JShS endi jobalyq qujatta qatelikterdiń jiberilgenin habarlady. Al, kelesi kezek 20 qazanǵa belgilendi.
Farıda Byqaı.
Derek, sýret: egemen.kz