Buhar buǵysy

Olardyń sany Túrkistan óńirinde 89 basqa jetti Syrdarııa-Túrkistan memlekettik óńirlik tabıǵı parkiniń aımaǵy 120 myń gektarǵa sozylyp jatyr. Osynyń 64 myń gektardan astamy ormandy alqap. Memleket qorǵaýyndaǵy bul parkte ósimdikterdiń 936 túri ósse, sútqorektilerdiń – 46, qustardyń 309 túri mekendeıdi. – Osydan 15 jyl buryn El­basy kıeli Túrkistannyń 1500 jyl­dyǵyna 10 buhar buǵysyn tartý etken bolatyn. Búginde fılıal­daǵy tuqymbaqta ósirilip jat­qan olardyń basy 89-ǵa jetip otyr, – deıdi «Syrdarııa-Túrki­stan memlekettik óńirlik tabıǵı parki» KMM dırektory B.Moshqalov. Sonymen qatar, «Syrdarııa-Túrkistan memlekettik óńirlik ta­bıǵı parkiniń» aýmaǵynda ishki tý­rızmdi damytý maqsatynda týrıs­tik baǵyttardy tamashalaý alań­daryna kirý, kólik turaq­tary, qonaq jáne kıiz úı­ler, jolserik, ekskýrsııa jasatýshy, aýdar­mashy, qaıyq, minis attary, jylytylǵan jyljymaly vagon-úıler, monsha sııaqty týrısterge qyzmet kórsetý túrleri júzege asyrylyp otyr. Oblys ákimi jaqynda ótken jıynda ań-qusty atpaýǵa úsh jylǵa moratorıı jarııala­­­ǵan bolatyn. Alaıda, memleket tarapynan osyndaı ıgi ister jasalyp jatqanymen, dala­­nyń erke jan-janýarlaryna aıaýsyzdyqpen myltyq kezeıtin eki aıaqty jyrtqyshtar azaımaı tur. Baqtııar TAIJAN, «Egemen Qazaqstan». Ońtústik Qazaqstan oblysy.