Almaty oblystyq tótenshe jaǵdaılar departamentiniń habarlaýynsha, 2016 jylǵy 27 qańtar kúni sársenbide Úsharal aýylynan aýyr naýqasty oblystyq aýrýhanaǵa jetkizý úshin Taldyqorǵanǵa bet alǵan MD-600 Helicopter tikushaǵy tumandy qarly borannyń saldarynan adasyp ketken. Shuǵyl izdestirý júrgizilgenimen, Taldyqorǵannan 18 shaqyrym jerdegi saıda apat bolǵan tikushaq erteńgi tańǵy 8 saǵat 20 mınýtta bir-aq tabyldy. Sanıtarlyq avıasııa men «Aspan» áýe kompanııasynyń málimeti boıynsha tikushaqtaǵy 5 adam túgel mert bolypty.
Osy kúni oqıǵa ornyna Ishki ister mınıstriniń orynbasary, general-leıtenant Vladımır Bojko jáne Almaty oblysynyń ákimi Amandyq Batalov kelip jetti. О́ńir basshysy tarapynan shuǵyl sheshim qabyldanyp, qaıtys bolǵandardy jerleý rásimi atqarylyp, januıalaryna 1 mln. teńgeden materıaldyq kómek kórsetiletin boldy. Oryn alǵan oqıǵa boıynsha tergeý amaldary júrgizilýde.
Nurbol ÁLDIBAEV,
«Egemen Qazaqstan».
Almaty oblysy.