Bul sońǵy múmkindik

Búgingi kúnge deıin Jambyl oblysyndaǵy múlikti jarııa etý komıssııalaryna jalpy jyljymaıtyn múlik boıynsha 5698 ótinish túsipti. Ol ótinishterde jalpy somasy 29054,1 mln. teńgeni quraıtyn múlik kórsetilgen. Naqtyraq aıtsaq, onyń ishinde 18200,5 mln. teńge kólemindegi 4780 turǵyn úı nysandary, sondaı-aq, 10853,5 mln. teńgeni quraıtyn 918 turǵyn úı emes nysandary bar. Osy ýaqytqa deıin jalpy somasy 25739,8 mln. teńgeni quraıtyn 4903 nysan jarııa etý rásimi arqyly zańdastyryldy. – Eń bastysy, aqsha jarııa etý rásimi ońaılatyldy, – deıdi bul jóninde Jambyl oblysy boıynsha memlekettik kirister departamentiniń basshysy Asqar Tynysbekov. – Endi aqshany eki ádis arqyly zańdastyrýǵa bolady. Banktegi shotta kórsetýge jáne óziniń kez kelgen qajetine jaratýǵa bolady. Mysaly, bızneske salýǵa, jyljymaıtyn múlik satyp alýǵa nemese shottan shyǵaryp alýǵa. Bul úshin 10 pa­ıyz alym ustalmaıdy. Qazaqstan aýmaǵynda ornalasqan jáne qujattary durys resimdelgen jaǵdaıda múlikti zańdastyrý úshin tek qana memlekettik kiris­ter organdaryna tıisti deklarasııany tapsyrý kerek. Sonymen qatar, osy erejeni múlik shet mem­lekette ornalasqan jaǵdaı­da da qoldanýǵa bolady. Iаǵnı, ortadaǵy artyq qury­lym, memlekettik kirister organda­rynyń janynan uıymdasty­rylǵan komıssııalar joıyldy. – Elbasy N.Nazarbaev «Ja­rııa etý – bul sońǵy múmkinshilik, osydan keıin eshqandaı jeńil­dikter bolmaıdy. Jarııa etý – bul jalpyǵa birdeı dekla­rasııany engizý aldyndaǵy sońǵy múmkindik» degen bolatyn. Jalpyǵa birdeı deklarasııany engizý jáne jarııa etý merzimi týraly ne aıtasyz, dep suradyq biz. Iá, shynynda, osy aksııa­dan keıin barlyq sheteldegi shottar boıynsha aqparattar qaıta tekseriledi. Zań boıynsha shetelderde esep-shoty bary týraly aqparatty jasyrǵan jaǵdaıda ákimshilik jaza qoldanylady. Sonymen qatar, shetelde múligi bar tulǵalardy mindetti túrde deklarasııany ótkizý kerektigin habardar etedi. Jalpyǵa birdeı deklarasııalaý jumystary bastalýyna baılanysty múlik jáne qarjyǵa raqymshylyq jasaý merzimi 2016 jyldyń 31 jeltoqsanyna deıin uzartyldy. Múlikti jarııa etý kezeńinde barlyq anyqtalǵan málimetter salyq organdary men bank qupııasy bolyp sanalady. Sondaı-aq, múlikti nemese qarjyny jarııa etý faktisi boıynsha qylmystyq is qozǵaýǵa nemese qylmystyq is barysynda dálel retinde paıdalanýy­na tyıym salynǵan. Jarııa etilgen múlikke tárkileý rásimi qoldanylmaıdy, dep jaýap berdi A.Tynysbekov. Oralhan DÁÝIT, «Egemen Qazaqstan». Jambyl oblysy.