Esepke júırik, únemge berik bolaıyq

Astanada ótken «Nur Otan» partııa­synyń HVII sezinde Memleket basshysy elimiz úshin, bolashaǵymyz úshin mańyzdy birqatar ótkir máselelerge toqtaldy. Partııa aldyna naqty mindetter qoıdy. Eki myńnan astam delegattyń qatysýymen ótken jıynda Elbasy esepke júırik, únemge berik bolýdy atap aıtty. Sonymen birge, Prezıdent qazir álemdik geosaıası jaǵdaı aýmaly-tókpeli kúıde turǵandyǵyn atap ótti. Sońǵy ýaqyttarda álemdik geosaıası jaǵdaı aýmaly-tókpeli kúıde tur. Alpaýyt elder arasyndaǵy ózara talas-tartys pen úlkendi-kishili memleketter arasyndaǵy qaqtyǵystar órshı túsýde. Sanksııalyq jáne saýda-sattyq soǵystary júrip jatyr. Halyqaralyq qaýipsizdik júıesine qaýip tóndi. Qazaqstan bar úmitin ózine arta alady,– degen N.Nazarbaev endigi úmit elimizdiń árbir azamatynyń jaǵdaıdy baıyppen baǵamdaı bilýine baılanysty bolatyndyǵyn aıtyp ótti. Osy oraıda, Memleket basshysy birligimizdi nyǵaıtýǵa kúsh salýymyz kerektigin eskertti. Elbasynyń álemde tórtinshi óndiristik revolıýsııa kezeńiniń bastalyp kele jatqany týraly aıtqany da kóńilge qondy. Álemdik tórtinshi óndiristik damý kezeńine ilesýdiń joldaryn qazirden qolǵa alý kerektigin málim etken Memleket basshysy osy baǵytta naqty atqarylýy tıis jumystardy atap berdi. Máselen, «Astanadan úsh ǵylymı óndiristik damý ortalyǵyn iske qosý, Almatydaǵy ınnovasııalyq damý ortalyǵynyń isin ilgeriletý, sonymen birge, nanotehnologııa, bıotehnologııa, joǵary tehnologııalyq ǵylymı progrestik damý kóshinen qalyp ketpeý­ge umtylǵanymyz lázim», – degendi aıtqan Elbasy ǵylymmen aınalysýǵa jaǵdaı jasap, qyzyǵýshylyq tanytatyndardy osy salalarda eńbek etýi úshin barynsha jaǵdaı jasaý kerektigin eskertti. Sezde partııanyń «Qazaqstan 2010: Birlik. Turaqtylyq. Jasampazdyq» atty 2016-2021 jylǵa arnalǵan saılaýaldy baǵdarlamasy qabyldandy. Atalǵan qujat bes ınstıtýttyq reforma sheńberindegi «100 naqty qadam» Ult Josparynyń negizgi baǵyttaryn qamtıdy. Tutastaı alǵanda, baǵdarlama 8 bólimnen turady. Onda jahandyq syn-qaterler jáne jańa naqty ahýal máselelerine sholý jasalyp, naqty is-qımyldar qamtylady. Raıkúl BAINAZAROVA, Qyzylorda oblysy bilim jáne ǵylym qyzmetkerleri kásipodaǵynyń tóraıymy.