ASTANA. 30 qańtar. Ońtústik Koreıanyń Kımchje qalasyna jaqyn mańaıda Cholla-Pýkto provınsııasyndaǵy orman órtin sóndirmek bolǵan azamattyq tikushaq apatqa ushyrady. Bul týraly TASS aqparat agenttigine silteme jasaǵan egemen.kz tilshisi habarlady.
Jergilikti ýaqyt boıynsha, saǵat 14:15-te Thean qalasynan shyqqan tikushaq eki saǵattan keıin oralýy tıis bolatyn. Alaıda áýe kóligi apatqa ushyrap, borttaǵy jalǵyz adam 61 jastaǵy ushqysh qaza tapty.
Yonhap agenttiginiń habarlaýynsha, oqıǵanyń naqty sebebi ázirge belgisiz. Mamandar apattyń negizgi sebebi, soqyr tumannyń saldarynan bolýy múmkin degen boljam jasady. Al kýágerler áýe kóliginiń kútpegen jerden bir jaqqa qaraı aýyp ketip, birneshe ret aınalǵan soń, taý bókterine qaraı, balalar oıyn-saýyq kesheninen 200 metr qashyqtyqqa qulap, jarylyp ketkenin baıandap berdi. Oqıǵa ornynda ushqyshtan ózge eshkim zardap shekken joq.
Aıan Ábdýálı.
Derek: TASS.
Sýret: ria.ru.