Qorǵanys mınıstrligi Ortalyq apparatynyń áskerı qyzmetshileri dabyl boıynsha kóterilip, dalalyq lagerge jol tartty
Keshe Qorǵanys mınıstriniń nusqaýy boıynsha «Aıbalta – 2016» oqý-jattyǵýy sheńberinde Qorǵanys mınıstrligi men Qarýly Kúshter Bas shtabynyń departamentteri jáne bas basqarmalary dabyl boıynsha kóterildi.
– Bul is-shara strategııalyq deńgeıdegi basqarý organdaryn daıarlaýdyń quramdy bóligi bolyp tabylady. Sondyqtan «Aıbalta – 2016» oqý-jattyǵýy aıasynda bizge áskerlerdi basqarý máselelerin shynaıy pysyqtaýǵa týra keledi, dedi Qorǵanys mınıstri Imanǵalı Tasmaǵambetov.
Áskerı qyzmetshilerge arnalǵan sabaqtar eki kúnge sozylady. Jeke quram dalalyq jaǵdaıda jumys jasaıdy. Áskerlerdi jedel basqarý úshin áskerlerdi avtomattandyrylǵan basqarý elementteri bar komandalyq-shtabtyq mashınalardy, palatkalardy, dalalyq as úıler men avtonomdy elektr agregattaryn qoldana otyryp, jaýyngerlik qyzmetti qamtamasyz etýdiń barlyq elementteri bar basqarý pýnktteri qımyl-qozǵalysqa keltirildi.
Sabaqtar barysynda basqarý pýnktterimen shtabtyq jattyqtyrý ótkiziledi. Ofıserler men generaldar shtattyq atys qarýynan oq atady, 5 shaqyrymǵa shańǵymen júgirýden normatıvter tapsyrady. Osyǵan baılanysty 83205-áskerı bóliminiń áskerı qyzmetshileri jylýy bar palatkalar ornatty. Dalalyq qalashyqta áskerılerdiń tamaqtanýyn uıymdastyrý úshin barlyq qajetti jaǵdaı jasalǵan. Onda sanıtarlyq keshen de bar, dep habarlady Qorǵanys mınıstrliginiń baspasóz qyzmeti.