«Nur Otan» partııasy Tóraǵasynyń birinshi orynbasarynyń qaýlysymen Parlament Májilisiniń depýtaty Meıram Pishembaev «Nur Otan» partııasy janyndaǵy Kásipkerlikti qoldaý jónindegi respýblıkalyq qoǵamdyq keńestiń tóraǵasy bolyp taǵaıyndaldy.
Meıram Pishembaev Semeı zootehnıkalyq-maldárigerlik ınstıtýtyn bitirgen, ekonomıka ǵylymdarynyń doktory.
1989-2004 jyldar aralyǵynda «Aqsý» AQ basqarmasynyń tóraǵasy, Qazaqstandaǵy «Rosneft» kompanııasynyń ókildigi basqarmasynyń basshysy, «Qazmunaıkom» JShS-niń vıse-prezıdenti, Pavlodar MО́Z-inde «Qazaqoıl» UK» JAQ-tyń bas menedjeri qyzmetterin atqardy.
2004-2006 jyldary «Qazaqselmash» korporasııasy JShS dırektorlar keńesiniń tóraǵasy, «Qazaqstan máshıne jasaýshylar odaǵy» ZTB basqarmasynyń tóraǵasy boldy. 2007 jyldan beri Parlament Májilisiniń depýtaty.
Aıta keteıik, Respýblıkalyq keńestiń mindeti – otandyq kásipkerlikke básekelestikti arttyrý jónindegi partııanyń, Ulttyq kásipkerler palatasynyń, bıznestiń, qoǵamdyq birlestikter men memorgandardyń kúsh-jigerin jumyldyrý. Keńes tujyrymdamalyq usynystardy, otandyq bıznestiń básekege qabilettiligin arttyrý jónindegi naqty kásibı sheshimderdi pysyqtaıtyn qoǵamdyq únqatysý alańyna aınalýdy kózdeıdi.
«Egemen-aqparat».