Men de mıllıondar qataryndamyn

Alla taǵala adamzatty birinshi jaratyp, jer júzine jibergen kúnnen bastap aqyr zamanǵa deıin búkil álem jurshylyǵy tynysh­tyqta bir-birimen tatý tirlik or­natyp, yntymaqpen ómir súrý kerek dep aıtqan. Mine, sodan beri myńdaǵan ǵasyrlar ótse de, dú­nıe júzinde ártúrli jaǵdaılar qy­lań berip, kóptegen elderde bir-bi­rimen talas-tartys, kúsh kó­rsetý, jaýlasý sııaqty kelispeýshilikter bolyp jatyr. Osy jaǵ­daılardy kórgen bizdiń Elba­sy­myz Nur­sul­tan Nazarbaev Qazaq­standa tura­tyn etnostardyń ba­syn qosyp, Qazaqstan halqy Assambleıasyn qur­dy. Bul Assam­bleıanyń Qazaq­stanǵa bergen jemisi kóp boldy. Birlik, ynty­maq­tyń arqasynda eko­nomıkamyzdyń deńgeıi kóte­ri­lip, TMD-da birinshi bolyp daǵ­da­rystan shyqtyq. Munyń bári biz­diń Elbasymyz­dyń týra saıasaty men el basqarý júıesindegi tu­raq­tylyqtan dep bilemin. Ol barlyq ýaqytta tynyshtyq úshin, óz eli úshin, kerek bolsa búkil álem halyqtaryn birlikke shaqyryp, yntymaq týyn kóterip júr. Ekinshi bir jaǵdaı, elimizdegi barlyq ulttyń basyn qosyp bá­rine birdeı quqyq berip, óz má­denıetterińdi, tilderińdi, salt-dástúrlerińdi umytpańdar dep, olardyń arasynan toǵyz depýtat saılaýdyń ózi úlgi, baǵa jetpes is emes pe! Osynyń bárin men óz kózimmen kórip, óz qulaǵymmen estip, osyndaı parasatty Prezıdenti bar memlekette ómir súrip, bala-shaǵa ósirgenime óte qýanysh­tymyn. Elbasynyń ókilettigin 2020 jylǵa deıin uzartý jónin­degi bastamany qoldaǵan mıllıondar qatarynda men de barmyn. Qojahmet AISAEV. Shymkent.