«Nur Otannan» arasha suraıdy

Burnaǵy kúni «Nur Otan» HDP Atyraý oblystyq fılıalynyń esep berý-saılaý kon­ferensııasy bolyp ótti. Oǵan «Nur Otan» HDP Saıası keńesiniń múshesi, Parlament Senatynyń depýtaty Oralbaı Ábdikárimov qatysyp, partııa mindetterin oryndaýdyń mańyzyn tarqatyp berdi. Aldymen «Nur Otan» HDP oblystyq fılıalynyń tóraǵa­sy, oblys ákiminiń birinshi oryn­basary Bolat Dáýkenov esepti baıandama jasady. Elbasy Nursul­tan Nazarbaevtyń partııa múshe­leri­niń aldyndaǵy mindetterdiń oryndalysyn keńinen qamtydy. Onyń aıtýynsha, oblysta at­qary­lyp jatqan is-sharalar az emes. Údemeli ın­dýs­trııalyq-ın­no­va­sııa­lyq jobalar­dyń iske asy­rylýyna partııalyq baqylaýdy kúsheıtý, memleket qarajatynyń el ıgiligi úshin tıimdi jumsalýyn qadaǵalaý – par­tııalyq baqylaý komıssııasy­nyń negizgi mindeti. Bul  jumystar­dyń  óz merziminde oryndalýyna partııalyq baqylaý­dy kúsheıtý úshin partııa Tóraǵa­sy N.Nazar­baevtyń tapsyr­masy­na sáıkes ob­lysta 105 partııa­lyq baqylaý beketteri qurylǵan. Búgingi tańda jurt «Nur Otan­­ǵa» úmit artatyn boldy. О́ıt­­keni, par­tııanyń keleshegine, tujyrym­damasynyń oryndala­ty­­­ny­na senedi. Sengendikten ǵoı, kúndelikti turmystyq taý­qy­metin de, alaıaq­tyqty kóksegen aramzalar men qo­lynda shoqpary bar shendilerden  kórgen zábirin de «Nur Otan­nyń» qoǵamdyq qabyl­daýyna kelip aıta­dy. Konferensııaǵa qatysýshy birneshe delegat pikir bildirdi. Má­selen, «Nur Otan» HDP Isataı aýdandyq fılıalynyń tóraǵasy,  aýdan ákimi Baqbergen Qarabaev­tyń aıtýynsha, partııanyń baqy­laý beketteri bilim berý, densaý­lyq saqtaý nysandarynyń qury­ly­syn udaıy qadaǵalap otyr­ǵan. О́ıtkeni, mundaı áleýmettik ny­san­dardyń sapaly ári merziminde salynýy, sonymen birge olarǵa bólingen bıýdjet qarjy­sy maq­sat­ty jumsalýy qajet. Al eńbek ardageri Qatımolla Rızýanov partııa jumysynyń jan­danýyn Elbasy Nursultan Nazar­baevtyń eńbegimen baıla­nys­tyra kelip, Atyraý jáne Ba­tys Qazaq­stan oblystaryna or­taq proble­ma­ny qozǵady. «Ba­tys óńiriniń ómi­ri­ne nár berip turǵan ózi jalǵyz ári erke, ári sulý Aqjaıyq búgin erkeleıtin halde emes. Jyldan jylǵa taıazdap, keı jerlerde kóseler kó­ri­nip jatyr. Bázbir tustardy  keship ótýge bo­la­dy. Osy­laı­sha ózenniń ıntensıvti ta­ıyz­danýyn toqtatý tek memleketaralyq dárejede ǵana sheshiletin másele», dedi ol. «El bolamyn deseń, besi­giń­di túze», degen. Búginde sırek bolsa da elimizdiń ár túkpirinen oqý­shylar tarapynan bir-birine, ne ­ózine ózi qol jumsaý faktileri boı kórsetip júr. Bul jaqsylyq ny­shany emes. Mektepke din tarıhy sabaǵyn engizýdi keı dinı toptar bara-bara óz maqsattarynda paıda­lanýy da múm­kin. Bul – kóptep qolǵa alatyn másele, keleshegi­miz­diń taǵdyry,  deıdi taǵy da Q.Rızýanov. Konferensııada Oralbaı Áb­di­kárimov  óńirlik fılıal ju­my­syndaǵy oń isterdi atap ótti. So­ny­men birge, partııa jumy­syn jan­dandyrý máselesi, partııa mú­she­leriniń aldynda turǵan min­det­teri jaıynda salmaqty pikir bildirdi.  Al konferensııa múshe­leri «Nur Otan» HDP Atyraý oblys­tyq fılıalynyń tóraǵa­ly­ǵyna ob­lys ákiminiń birinshi orynba­sary  Bolat Dáý­kenovti qaıta saı­lady. Qazaq­stan­nyń Tuńǵysh Prezıdenti, Ult Kósh­bas­shysy Nur­sul­tan Na­zarbaev­tyń ókilettigin 2020 jyl­dyń aıaǵyna deıin uzartý jónindegi referendýmdy biraýyz­dan qol­daıtyndyqtaryn jetkizdi.

Joldasbek ShО́PEǴUL.

Atyraý oblysy.

* * *

EL  JETEKShI UIYMǴA SENEDI

Keshe oblys ortalyǵynda «Nur Otan» halyqtyq-demo­kratııalyq partııasy oblystyq fılıalynyń VIII esep berý-saılaý konferensııasy boldy. Al osydan biraz ǵana buryn «Nur Otan» HDP oblystyq fılıalynyń kezekten tys VII kon­ferensııasy ótkeni belgili. Oblystyq fılıaldyń jańa tóraǵasy bolyp oblys ákimi  Baqytjan Saǵyntaev saılandy. Iаǵnı, bul jıynda «Nur Otan» HDP oblystyq fılıa­lynyń bu­rynǵy tóraǵasy Aleksandr Ver­b­nıaktyń Ekibastuz qalasynyń áki­mi bolyp taǵa­ıyn­dalýyna baıla­nys­ty nur­otan­dyqtar jańa bas­shy­syn saı­laýy tıis edi. Par­tııa­ny bas­qarý­ǵa senimdi, belsendi, laıyq­ty adamdar árqashan qajet. Ha­lyq «Nur Otanda» elin, jerin, tilin, ultyn súıetin, ózgeni keýdege qaqpaıtyn, rýhanı oı-órisi bıik, salıqaly, parasatty, saıası kózqarasy bekem, elge aıtary bar, bedeldi, abyroıly, syıly, jurt biletin patrıot jandar qyz­met jasaǵanyn qalaıdy. Konferensııa ju­my­s­yna «Nur Otan» HDP hat­shy­sy Sergeı Gromov, delegattar men partııanyń qalalyq jáne aýdan­dyq fılıal­darynyń tóraǵalary, qala jáne aýdan ákimderi, más­lıhat depý­tat­­tary qatysty. «Bul rette,– dedi Sergeı Gromov, – «Nur Otan» partııasyna da júk­teletin mindetter júgi aýqymdy bola­tyny sózsiz, alǵa qoıǵan barlyq maqsat­tardy oryndaý úshin eli úshin qyzmet jasaıtyn belsendi, isker basshynyń úlgi kórse­tip alda júrgeni abzal. Son­dyq­tan, Elbasymen kelise otyryp, oblys­tyq fılıal tóraǵasy qyz­metine oblys ákimi Baqytjan Sa­ǵyn­taevty saılaý usynyldy». – Maǵan senim bildirgen El­ba­syna rahmet. Senim bildirgen bar­­lyǵyńyzǵa rahmet. Osy úde­den shyǵýǵa barlyq kúsh-ji­gerim­di jumsaımyn,– dedi oblys bas­shy­sy. Sóıtip, basqosýǵa jınal­ǵan delegattar oblys ákimi Baqyt­jan Saǵyntaevtyń kandıdatýra­syn bir­aýyzdan maquldady. О́z kezeginde fılıaldyń jańa basshysy Baqytjan Saǵyntaev máslıhatqa jınalǵandar aldynda sóz sóıledi. – Elimizdiń búgingi jetistikteri aıtarlyqtaı aýqymdy. Árıne, bul jetistikter Elbasynyń esimimen tyǵyz baılanysty. Muny ózderińiz de jaqsy bilesizder, – dedi Ba­qyt­jan Saǵyntaev óz só­zin­de. – Son­dyqtan biz, qazaqstan­dyq­tar bul tabystardyń ońaı kelmegenin túsi­nip, qadirin bilýimiz kerek. Eldegi turaqtylyq pen tatýlyqtyń, eko­no­mıkalyq órleý­diń, halyqtyń tur­­mysynyń jaq­sarýynda El­basy­nyń eńbegi zor. Elbasynyń óki­lettigin 2020 jyl­ǵa deıin uzar­tý týraly bas­tamany nurotandyq­tar halyq­pen birge qyzý qoldap, bul joly da belsendilik tanytty. Bizdiń oblys bo­ıyn­sha 300 myńnan asa pavlodar­lyq bul bastamaǵa ún qosty. Mun­da jergilikti partııa músheleriniń eńbegi zor. Sóziniń sońynda B.Saǵyn­taev elimizdiń jyl sońyna taman óz Táýelsizdiginiń 20 jyl­dyǵyn atap ótetinine nazar aý­dar­dy. Barlyq qıyn ýaqyttar artta qaldy, endi bizdiń egemen elimiz alǵan ba­ǵyty­nan aýytqy­maı, ósip, órken­deı beredi dep senemiz jáne oǵan kúmán joq, dedi «Nur Otannyń» oblys­tyq fılıaly­nyń tóraǵasy. Jıynǵa qatysqan «Nur Otan» HDP Saıası bıýrosynyń múshesi Aleksandr Pavlov par­tııa­nyń jergilikti jerdegi atqa­ryp jatqan jumystaryna oń baǵasyn berdi. Konferensııada sondaı-aq «Nur Otan» HDP oblystyq fı­lıa­ly saıası keńesiniń 2009-2010 jyldar­daǵy jumysy týra­ly» jáne fı­lıal­dyń baqylaý-tekserý komıs­sııa­synyń jumy­sy týraly esepteri men basqa da uıymdyq máseleler qaraldy. Partııa oblystyq fılıa­lynyń saıası keńesi men baqylaý-tek­serý komıssııasynyń jańa qura­my jáne «Nur Otan» HDP HIII sezine delegattar saı­landy.

Farıda BYQAI.

Pavlodar.

* **

JAŃA MINDETTER BELGILENDI

«Nur Otan» HDP Soltústik Qazaqstan oblystyq fılıalynyń HIII partııalyq esep berý-saılaý konferensııasy bolyp ótti. Onyń jumysyna partııanyń Saıası keńesiniń bıýro múshesi, «Nur Otan» HDP hatshysy – Ortalyq apparat basshysy Sergeı Gromov, Parlament Senatynyń depýtattary Tasbaı Sımambaev, Anatolıı Bashmakov qatysty. Onda óńir basshysy, fılıal tóraǵasy Serik Bilálov jergilikti partııa uıymynyń esepti kezeń ishinde atqarǵan jumystary men aldaǵy mindetter jaıly baıandama jasady. «Nur Otan» HDP-nyń 2020 jylǵa deıingi baǵdarlama jobasy talqylandy. Baıandamashy óńirdiń áleý­met­tik-ekonomıkalyq damýy ser­pin­di sıpatqa ıe bolýy nátıjesinde turǵyndardyń ómir súrý sapasy jaqsarǵanyn atap ótti. Byltyr ónerkásip óniminiń kólemi 80,6 mıllıard teńgeni qurady. 4 mıllıon tonnadan astam astyq jınaldy. 6 ınvestısııalyq joba paıdalanýǵa berildi. «100 mektep, 100 aýrýhana», «Taza aýyz sý», «Jol kartasy», «Údemeli ındýstrııalyq-ınnovasııalyq damý» baǵdarlamalary boıynsha kóptegen ister atqaryldy. Osyndaı jetistikterge nur­otan­dyqtar da zor úles qosyp keledi. Qaı salada bolsa da bas­taýysh uıymdardyń partııalyq yqpaly artyp, uıymdastyrý­shy­lyq, saıası-ıdeologııalyq qa­ry­my jandana tústi. Esepti kezeń ishinde partııanyń oblys­tyq fılıaly saıası keńesiniń – 6, saıası keńes bıýrosynyń 16 májilisi ótip, kún tártibine ózekti máseleler usynyl­ǵan. Qabyldanǵan sheshimder oryn­dalýymen qundy desek, bul baǵyt­ta da tyndyrylǵan sharýalar az emes. Serik Sultanǵazyuly azamat­tardyń ótinish-tilekteriniń birde-biri eskerýsiz qalmaǵanyn, árbir aryz-shaǵym muqııat qara­lyp, ıelerine tııanaqty jaýap berilgenin nazarǵa saldy. Fılıal jetekshisi jergilikti partııa uıymdarynyń esep berý-saılaý jınalystary men konfe­ren­sııalary zor belsendilikpen ótkenin, endigi baǵdar «Nur Otan» HDP-nyń Tóraǵasy, Prezıdent N.Á.Nazarbaev belgilegen mindetter men talaptardy múltiksiz jú­zege asyrý bolyp tabylatynyn, aldaǵy mindet pen baǵdar aıqyn, tek jumyla iske kirisý qajet­tigin jetkizdi. Partııanyń jastar saıa­satyn kúsheıtý, ár deń­geı­degi más­­lıhat depýtattary­men turaq­ty qarym-qatynas jasaý, pat­rıot­tyq, adamgershilik tár­bıe má­selelerin nazarda u­s­taý, memlekettik ma­ńyzy zor áleý­mettik baǵdarlama­lardyń oryn­dalýyna kúsh salý máseleleri de jan-jaqty sara­landy. Baıandamany talqylaýǵa «Nur Otan» HDP Petropavl qalalyq fılıalynyń tóraǵasy, qala áki­mi Nurjan Áshimbetov, Ǵ.Músi­repov atyndaǵy aýdandyq fılıal tór­aǵasynyń birinshi orynba­sary Fedor Shtranın, oblystyq par­tııa­lyq baqylaý komıssııasy­nyń jetekshisi Álim Shúkenov, sybaı­las jemqorlyqpen kúres jónin­degi oblystyq qoǵamdyq keńestiń tóraǵasy Serik Almoldın, qala­lyq máslıhattyń depý­taty Anatolıı Mıshın, taǵy basqalary qatysty. Sheshender partııanyń rólin arttyrý, jurt­shylyqpen jumys isteý ádisteri men tásil­derin jaqsartý, partııa­n­yń h­a­lyq­tyq tuǵyrnamasyn iske asyrý­dyń joldaryn áńgime­ledi. Oblystyq partııa uıymy­nyń eseptik merzimde atqarǵan jumy­syn oń baǵalady. Sergeı Gromov sóz sóılep, saıası uıymnyń 2020 jylǵa deıingi baǵdarlama jobasy týraly oı qozǵaǵannan keıin «Nur Otan» HDP Soltústik Qazaqstan oblys­tyq fılıalynyń tóraǵa­ly­ǵyna oblys ákimi Serik Bilálov qaıta saılandy. Oblystyq bastamashy top­tyń jetekshisi Grıgorıı Kýhar Elba­synyń ókilettigin 2020 jylǵa deıin uzartýǵa 234 470 soltústik­qazaqstandyqtyń qol qoıǵanyn jet­kizip, aldaǵy re­ferendýmdy qoldaýǵa shaqyrdy. Konferensııada «Nur Otan» HDP HIII sezine delegattar saılandy.

О́mir ESQALI.

Soltústik Qazaqstan oblysy.