Otan – ottan da ystyq

Elbasy Nursultan Ábishulynyń bastamasymen qurylǵan Qazaqstan halqy Assambleıasy óziniń 25 jyl­dyǵyn atap ótkeli otyrǵan táýelsiz qoǵamymyzdyń senimdi qozǵaýshy kúshine aınaldy. Onyń bıik min­berinen tarıhı ári taǵdyrsheshti máse­leler kóterilip, kópultty hal­qy­­myzdy uıystyrý arqyly or­taq ta­bystarǵa qol jetkizýdemiz. Mine, kúni keshegi barshamyzdyń nazarymyzdy aýdarǵan Qazaqstan halqy Assambleıasynyń sessııasy patrıottyq akti qabyldaý arqyly beıbit tirshiligimizdiń jańa kezeńi­ne qadam jasady. Eń aldymen, májilistiń ǵasyr qubylysy sanal­ǵan ásem Astanamyzdaǵy Beı­bit­shi­lik jáne kelisim  saraıynda ótki­zilýiniń aıryqsha mańyzy bary anyq. Sondaı-aq, Qazaqstan halqy Assambleıasynyń «Táýelsizdik. Kelisim. Bolashaǵy birtutas ult» kún tártibimen ashylǵan XXIV sessııasynda Elbasy Nursultan Nazarbaevtyń salıqaly sóz sóıleýi sessııa salmaǵyn eseleı tústi. Elbasy, Assambleıa Tóraǵasy Nursultan Ábishuly: «Búgingi Qazaq­stan halqy Assambleıasynyń ses­sııa­sy esimizde saqtaldy dep oı­laı­myn, óıtkeni, bul kúnnen bastap eli­miz­degi beıbitshilik pen kelisimniń jańa kezeńi ashylady. Biz «Máńgilik El» pat­rıottyq aktisin saltanatty jaǵ­daıda qabylda­dyq. «Máńgilik El» pat­rıottyq aktisi beıbitshilik pen ke­li­simniń jańa kezeńin pash etedi, dedi. Sonymen qatar, Elbasy akti arqyly barsha qazaqstandyqtardyń dostyq, beıbitshilik pen kelisimniń biryńǵaı qujaty qabyldanǵanyn atap ótti. Qazaqstan Prezıdentiniń «Patrıottyq aktide uly qundy­lyq­tar qamtylyp otyr. Ondaı qun­dy­lyqtar – bizdiń halqymyzdyń erik-jigeriniń, dana sheshiminiń kórinisi. Akt kabınetterde oılastyrylǵan qujat emes, ol – Táýelsizdigimizdiń jemisi», – dep bólektep aıtýy Táýelsizdigimizdiń el rýhyn bıikke kótergendigin bildiredi. Otanshyldyq – bolashaǵy bir­tutas ulttyń baǵa jetpes qundy­lyǵy, aınymas ustanymy. Halyqtyń rýhyn shynaıy patrıotızm kóteretinin dáleldep jatýdyń qajeti joq. Osy turǵy­dan alǵanda, Elbasynyń Otan­nyń ottan da ystyq ekendigi jónin­degi qaǵıdanyń baǵasyn júrekter­ge jetkize bilgenine rızamyz. Qolyn­da osyndaı asyl qundylyǵy bar Qazaq­stan «Máńgilik El» esi­gin se­nimmen ashatynyna nyq senimdimiz.    Sáken ERǴALIEV, «Nur Otan» partııasy Aqkól aýdandyq fılıaly tóraǵasynyń birinshi orynbasary