Jaqynda belgili ǵalym, jazýshy Halıfa Altaıdyń Gomından úkimetiniń basshysy Chan Kaıshımen birge túsken sýreti jarııalandy.
Sýretke Halıfa Altaımen birge Altaıdan Túrkııaǵa aýǵan eldiń kórnekti qaıratkerleri Qalıbek hakim, Hamza Ushar túsken. Bul sýret 1960 jyly Taıvanda túsirilgen.
Bul sýret týraly Halıfa qarııanyń «Altaıdan aýǵan el» atty kitabynan bilýge bolady. Onda avtor: «1960 jyldyń 15 mamyrynda Taıýanda halyqaralyq sımpozıým ótti. Taıýan úkimetiniń shaqyrýymen Qalıbek hakimniń bastaýymen Hamza Ushar úsheýimiz osy sımpozıýmǵa qatystyq... Bul meniń Taıýanǵa tuńǵysh kelýim. Taıýan úkimetiniń prezıdenti Chan Kaıshıdiń qabyldaýynda bolyp, kósemmen birge sýretke tústik», deıdi.
Sýrette aldyńǵy qatarda Chan Kaıshı, artqy qatarda ońnan solǵa qaraı Qalıbek hakim, Hamza jáne Halıfa Altaı tur.
Dastan KENJALIN,
«Egemen Qazaqstan»