Býkmekerler Golovkınniń jeńisine senimdi

Irlandııanyń Paddy Power býkmekerlik keńsesi orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkın (36-0, 33 KO) men WBA (Regular) belbeýiniń ıegeri amerıkalyq Dennıel Djeıkobs (32-1, 29 KO) arasyndaǵy kezdesýge erekshe bás qabyldaı bastady, dep habarlady sports.kz. Bul bástiń bir ereksheligi sharshy alańdaǵy oqıǵalar men raýnd sanynan bólek nokdaýndarǵa da erekshe nazar aýdaryp otyr. Golovkınniń soqqylarynyń biri Djeıkobsty nokdaýnǵa túsiredi degenge mamandar senim artqan. Osy úshin 1,36 koeffısıent belgilepti. Al qos boksshy da nokdaýn alady degen nusqaǵa 6,00 qoıyp otyr, Aıta keteıik, kásipqoı boksta 36 kezdesý ótkizgen qazaqstandyq bylǵary qolǵap sheberi bir de bir márte nokdaýn alǵan emes. Al amerıkalyq Dennıel Djeıkobs 2010 jyldyń 31 shildesinde WBO nusqasy boıynsha álem chempıondyǵy úshin reseılik Dmıtrıı Pırogtan nokaýtpen utylǵan. Aıta keteıik, qos boksshynyń arasyndaǵy jekpe-jek 18 naýryz kúni AQSh-tyń Nıý-Iork qalasyndaǵy Madison Square Garden arenasynda ótedi.