Stýdentterdi jataqhanamen qamtýdyń joly qandaı?

Senattyń jalpy otyrysynda V.Redkokashın bastaǵan bir top depýtat Premer-Mınıstr B.Saǵyntaevtyń atyna saýal joldady. Onda bylaı delinedi: «Astana medısına ýnıversı­teti» AQ pen L.N.Gýmılev atyn­­daǵy Eýrazııa ulttyq ýnıversıtetin­­de ótken jumys kezdesýleri kezin­de atalǵan ýnıversıtet ujym­dary óńirlerden kelgen stýdentterdi jataqhanamen qamtý máselesine qatysty qalyptasqan ahýal týraly aıtty. Búginde elordadaǵy ulttyq jo­ǵary oqý oryndarynda bilim alyp jatqan stýdentterdiń sany 18 000 adamdy quraıdy. Onyń ishinde tek qana L.N.Gýmılev atyndaǵy ýnı­versıtette 16 847 stýdent oqıdy, olardyń 4 561-i ǵana jataqhanamen qamtylǵan. Astana medısına ýnıversı­tetin­de qalyptasqan jaǵdaı odan da kúrdeli. Ýnıversıtet stý­dent­teriniń jalpy sany 6 774 adam bolsa, olardyń 3 500-ine jataq­hana kerek, 2000-nan astamy jataq­hanaǵa óte zárý deýge bolady (ha­lyq­­tyń az qamtylǵan bóliginen shyq­­qan balalar, jetim balalar, kópbalaly otbasynan shyq­qan bala­lar jáne t.b.). Astana medısına ýnıversıteti qurylǵannan bergi aralyqta bir ǵa­na jataqhana salynypty. Ol Je­ńis dańǵyly, 35, 35A mekenjaıyn­da ornalasqan, 1974 jyly salyn­ǵan ǵımarat. Barlyǵy 980 adamǵa arnalǵan. 2012 jyly ýnıversıtetke stý­dentter jataqhanasyn salý úshin jer telimi bólingen. Alaıda, res­pýb­lıka boıynsha birqatar baǵ­­darla­ma­ny qarjylandyrý qys­qaryp, Ulttyq ekonomıka mınıstr­­­ligi ýnıversıtetke arnalǵan jataq­­hana salýdy damý josparynan alyp tastaǵan, jer telimi memleket­­ke qaıtarylǵan. Osylaısha, atal­ǵan oqý oryndarynda jataqhana jetispeýshiligi ózekti kúıin­de qalyp keledi, al jańasyn salý bıýdjetten mol qarajat bólýdi qajet etedi. Osyǵan baılanysty, «Astana EKSPO-2017» halyqaralyq kórmesi ótkennen keıin bosaǵan turǵyn úılerdi Stýdentter úıine aınaldyrý qalyptasqan ahýaldy sheshýdiń joly degen oıdamyz. Bul Stýdentter úılerinde Astana medısına ýnıversıtetinde, L.N.Gýmılev atyndaǵy Eýrazııa ulttyq ýnıversıtetinde jáne basqa da elordalyq joǵary oqý oryndarynda bilim alatyn stýdentter turar edi».