Bul aýyldaǵy jergilikti turǵyndardyń barlyǵy da eńbekqor, sharýashylyqtary, jylyjaılary bar, bári de kókónis ósirýmen aınalysady, 600-ge tarta jylyjaı bar bolsa, turǵyndar qııardyń 15 túrinen 278 tonna ónim alýda. Aýyl úlken joldyń boıynda, qalaǵa tıip tur. Búkil aýyl qııar ósiredi degen sóz. Qazir egip qoıǵan kóshetteri jaz boıy qyzaryp, ósip, kúz boıy jemisin beredi. Qazir baý-baqsha, jylyjaılarda qyzý jumys.
– Aýyldyqtar ózderi osy ataýdy qýana qabyldap, bazardy solaı atadyq. Álemge áıgili EKSPO kórmesiniń Astanada ótýin maqtanysh kórgennen ǵoı. Bul bizdiń aýyldaǵy kishkentaı kórmemiz, – deıdi aýyl ákimi Ajdar Júsipov.
Al, «EKSPO» dep atalatyn bazardyń ashylýy kókónis ósirýshi turǵyndar úshin tipti, tıimdi boldy. Sáýir aıynda otyrǵyzylǵan qııarlar qazir ósip-óndi. Turǵyndar jappaı satyp alýda. Bir kelisi 230 teńge. Qııardy arzan baǵamen satyp alǵysy kelse, «EKSPO» bazaryna kelýge bolady. Bazardyń ashylý maqsaty da sol: jergilikti kókónis ósirýshilerdiń óndirilgen ónimderin ótkizýge jaǵdaı jasaý. Burynǵydaı oblys ortalyǵyndaǵy bazarlarǵa ótkizip áýrelenbeıdi. Mysaly, bir maýsymda 278 tonnaǵa jýyq, al, aýa-raıy jaqsy jaǵdaıda bir kúnde 315 keli qııar jınaıdy. Qalalyqtar endi qııar ósirýshilerge kelip, tikeleı ónimderdi satyp ala alady. Endi bazarshylar «EKSPO»-ǵa baramyz dep aýylǵa keletin boldy.
– Biz ósiretin qııar bizdiń aýyldyń brendi deıdi, – aýyldyqtar.
О́ıtkeni, óńirdegi Lebıaji aýdanynda qarbyz ósse, Baıanaýyl tórt túligimen, Ertis aýdany astyǵymen, Qashyr, Jelezınka kartopqa baı.
Farıda Byqaı,
«Egemen Qazaqstan»
Pavlodar
