Atap aıtqanda, QR Ulttyq ıadrolyq ortalyǵynyń bas dırektory Erlan Batyrbekov pen ITER uıymy bas dırektory Bernard Bıgo arasynda yntymaqtastyq týraly kelisimge qoıdy.
Sonymen qatar, «Býrnoe Solar» kún elektr stansasyn ulǵaıtý jobasyn qoldaý jáne yntymaqtastyq týraly kelisim bekitildi. Qol qoıý rásimine QR Energetıka mınıstri Qanat Bozymbaev, Eýropalyq qaıta qurý jáne damý bankiniń energetıka men tabıǵı resýrstar jónindegi basqarýshy dırektory Nandıta Parshad, United Green Energy Limited kompanııasynyń dırektory Albreht Frıshenshlager qatysty. Atalǵan qujat aıasynda kún elektr stansııasynyń qýattylyǵyn qazirgi tańdaǵy 50 MVt-tan 100 MVt-qa deıin jetkiziledi.
Budan bólek, «Býrnoe Solar» jobasy boıynsha nesıelik kelisim bekitildi.
«Búgin mańyzdy qujatqa qol oıdyq. Atap aıtqanda, ol joba elimizdegi iri kún elektr stansasy. Qazirgi kezde onyń qýattylyǵy 50 MVt ekenin bilesizder, al 2018 jyly ony eki esege arttyrý kózdelip otyr. Osy oraıda postkeńestik keńistikte eń iri elektr stansasy bolmaq. Osy kelisim - United Green Energy kompanııasy, Eýropalyq qaıta qurý jáne damý banki jáne Qazaqstan Úkimeti yntymaqtastyǵynyń jarqyn úlgisi», - dedi Bozymbaev.
Esterińizge sala keteıik, Jýaly aýdanynda salynǵan qýattylyǵy 50 MVt quraıtyn kún elektr stansasy 2015 jyly 2 shildede Elbasynyń qatysýymen Indýstrııalandyrý kúni aıasynda iske qosylǵan.
