Jarysqa 2003-2004 jáne 2005-2006 jyldary týylǵan oıynshylar qatysty. 2005-2006 j.t. basketbolshylarymyz erekshe oıyn úlgisin kórsetip, birinshi oryndy jeńip aldy. Olarmen birge Astana atynan barǵan 2003-2005 j.t. oıynshylar 7 komanda ishinde 5-shi orynnan kórindi.
2003-2004 jyldary týylǵandar kategorııasy boıynsha Astana, Aqtóbe, Aqmola, Qaraǵandy, Batys-Qazaqstan, Ońtústik Qazaqstan, Shymkent qalalarynyń komandalary qatysty.
Bul jas kategorııasy boıynsha qortyndy mynadaı:
1 oryn – Qaraǵandy oblysy
2 oryn – OQO
3 oryn – Aqmola oblysy
4 oryn – Aqtóbe oblysy
5 oryn – Astana qalasy
6 oryn – BQO
7 oryn – Shymkent qalasy
2005-2006 jyldary týylǵandar kategorııasy boıynsha Astana, Qaraǵandy oblysynan 1 jáne 2 komanda, Batys Qazaqstan, Ońtústik Qazaqstan jáne Chelıabınsk qalalarynyń komandalary ózara myqtyny anyqtady. Fınalda Astana men Qaraǵandy oblsynyń 1 komandasy kezdesip, 57-46 esebimen aıaqtaldy. Osylaısha, elorda komandasy ekinshi ret osy jas kategorııasy boıynsha Qazaqstan Respýblıkasynyń chempıondary atandy.
Bul jas kategorııasy boıynsha qortyndy mynadaı:
1 oryn – Astana qalasy
2 oryn – Qaraǵandy oblysy – 1
3 oryn – BQO
4 oryn – OQO
5 oryn – Qaraǵandy oblysy – 2
6 oryn – Chelıabınsk qalasy
Chempıonat qorytyndysy boıynsha ár jas kategorııasy boıynsha jattyqtyrýshylardyń daýys berýi arqyly týrnırdiń eń úzdik oıynshylary anyqtalady. Bul joly elorda komandasy atynan 5 úzdik sportshy qataryna №5 olımpıadalyq rezervtegi balalar men jasóspirimder mamandandyrylǵan sport mektebiniń 3 oqýshysy endi.
2003-2004 jyldary týylǵandar kategorııasy boıynsha Darıa Bogdanes úzdik oıynshy atandy. 2005-2006 jyldary týylǵandar kategorııasy boıynsha úzdik oıynshylar qatarynan Darıa Golovına men Tamıla Solsanova kórindi.
