Eýropalyq qalpyna keltirý jáne damytý banki men qazaqstandyq tarap arasynda kezekti iri joba júzege asady. Bul joly bank Jambyl oblysyndaǵy «Býrnoe Solar» kún elektr stansııasyn qarjylandyryp, óndiris qýatyn 50 MVt-tan 100 MVt-qa deıin arttyrýǵa kómektespek.
"Eýrazııalyq qalpyna keltirý jáne damý bankimen kredıttik kelisimge qol qoıý 15 mlrd teńge mólsherindegi uzaqmerzimdik zaemdyq qarjylandyrý men 10 mln AQSh dollary mólsherindegi taza tehnologııalar qory tarapynan zaemdyq qarjylandyrý tartýǵa múmkinshilik beredi", dedi «Samuryq-Qazyna» AQ Aktıvterdi ońtaılandyrý jónindegi basqarýshy dırektory Berik Beısenǵalıev.
«Býrnoe Solar-2» JShS – qazir tek Qazaqstandaǵy ǵana emes, Orta Azııadaǵy iri kún elektr stanııasy. Al búgingi kelisim onyń búkil TMD elderi arasynda kósh basyna shyǵýǵa múmkindik beredi.
"Qazaqstandaǵy balamaly qýat kózderin damytý maqsatynda ótken jyly 200 mıllıon eýro bólýge kelistik. «Býrnoe Solar» kompanııasymen jasalǵan kelisim sonyń sátti jalǵasy bolady dep senemin. Al jalpy bizdiń banktiń Qazaqstan ekonomıkasyna quıǵan ınvestısııasy 1 mıllıardqa jetti", dedi EQDB Energetıka jáne tabıǵı resýrstar bóliminiń basshysy Aıda Sydyqova.
Joba aıasyndaǵy ınvestısııalardyń jalpy kólemi 26 mlrd teńgeni quraıdy. Sonymen qatar jobany qarjylandyrý 7,8 mlrd teńge mólsherinde «Samuryq-Qazyna Invest» JShS jeke qarajattary esebinen jáne brıtandyq UGEnergyLimited seriktestigi esebinen júzege asyrylady.
