Áli de osy quramaǵa senim artaıyq

Bakýde eresekter arasyndaǵy álem chempıonaty aıaqtaldy. Eki jetiden astam ýaqytqa sozylǵan boks básekesinde álemniń 113 eliniń 570 bylǵary qolǵap sheberi Olımpıada lısenzııasyn sarapqa salyp, álemdik táj úshin aıqasty. Bul báıgede bizdiń elimizdiń boks­shylary eki kúmis jáne eki qo­la medalǵa ıe boldy. Altyn júl­de buıyrmady. Baký báse­ke­si­ni­ń eń sheshýshi kezeńinde Serik Sápıev pen Ádilbek Nııazym­betov kúmis­pen kúpteldi. Taǵy eki boks­shy­myz Ǵanı Jaılaýov pen Ivan Dychko qola júldeni qanaǵat tutty. Osy álem chempıonatynda Ýk­raına quramasy eń kóp altyn júl­de alyp, jalpykomandalyq esepte birinshi oryndy ıelendi. Olardyń qorjynyna 4 altyn, 1 kú­­mis medal tústi. Barlyǵy – 5 júl­­de. Ýkraına quramasynda  júl­­­de al­ǵan boksshylardyń bári fınalda óner kórsetti. Sonyń ishinde Vasıl Lomachenko, Taras Shelestıýk, Levgen Hıtrov, Olek­sandr Ýsık altynnan alqa taǵyn­sa, Denıs Berenchýk kúmisti qanaǵat tutty. Bıylǵy básekede Kýba 2 al­tyn, 1 kúmis júldege ıe bol­dy. Al alań ıeleri Ázerbaıjan qu­ramasy 1 altyn, 1 kúmis me­dal­ǵa qol jetkizdi. Osy eldiń ko­mandasynda asa aýyr sal­maq­taǵy Magomedrasýl Medjı­dov fınalda aǵylshyn Entonı Djoshýadan altyn medaldi sýyryp áketse, Teımýr Mammadov ýkraın Ýsıkten taza jeńildi. Ázer­baıjan boksshysy bizdiń buryn­ǵy otandasymyz eken. О́zi ońtús­tikte týyp, bertinge deıin áke-sheshesimen turyp kelipti. Ákesi – túrik, sheshesi – qazaq. Teımýr ataqonysyna osydan bes jyl buryn qonys aýdarypty. Sodan beri bokspen aınalysa bastaǵan jıenimiz endi, mine, álem chem­pıo­natynyń kúmis júldegeri ata­nyp otyr. Baký tórinde Reseı babynda bol­mady. Bir altyn, eki qola júlde aldy. Qurmet tuǵyrynyń bıik satysynda kóringen sol baıa­ǵy Mısha Aloıan. Úshinshi ory­ndy Egor Mehonsev ıelendi. Biz Aloıannyń  ulty armıan desek, ol Bakýde týyp, keıin úsh ja­synda Reseıge kóshken kúrd­tiń otbasy­nan shyqqan eken. Osy jaǵdaıdy jergilikti jankúıer­lerdiń kóbi bilmeı, álem chem­pıonaty bas­tal­ǵaly beri Aloıan­ǵa qarsy shyq­qan boksshylardyń bárine bolysqanyna kýá bolǵan edik. Qytaıdyń talantty boks­shy­sy Zoý Shımıń bıylǵy dodada álemniń úsh dúrkin chempıony atandy. Ol fınalda bola­shaǵy­nan kóp úmit kúttiretin taǵy bir sa­ry qurlyqtyń talantty boks­shy­­sy, koreıalyq Jon Shındi utty. Al bizdiń eki kúmis, eki qola medal alǵan Qazaqstan boksshy­larynyń bıylǵy básekede kem degende bir altyn medal ıelenýge shamasy jetetin edi. Biraq, taǵy da sol ózimizdi buıyrǵan qashpaıdy, qýǵan jetpeıdi, dep jubatýǵa týra kelip otyr. Fınalda qos boksshymyz Serik Sápıev pen Ádilbek Nııazym­betov jaqsy óner kórsetti. Ekeýi de namysqa tyrysyp, elimizdiń ánurany Baký tórinde shyrqalsa degen nıetimen bokstasty. Alaıda, taǵy da sol sátsizdik deımiz be, buıyrtpaǵan altyn júlde deımiz be, fınalda olardyń jo­ly bolmaı qoıdy. Biraq, Nııa­zym­betovtiń kúmis júlde al­ǵanyn úlken jetistik dep baǵa­laýǵa bolady. О́ıtkeni, bul – onyń alǵashqy álem chempıonaty. Sápıev Bakýge úsh dúrkin álem chempıony atanamyn dep kelip edi. Onysyn ol eshqashan jasyrmaǵan. Fınalda ýkraın Shelestıýkten jeńilgende, kózine jas tyǵylǵanyn kórdik. Álem chem­pıonaty bitken soń bir reıspen Almaty arqyly Bakýden ushyp kelgenimizde bapker Nur­lan Aqúrpekov mynany aıtty. «Álem chempıonatynda biz altyn júlde alýymyz kerek edi. Barǵa qanaǵat. Serik komandanyń kapı­tany, qazaqtyń batyr uly. Bakýde kúmis alsa, endi ol Londonda altyn alady», dedi. «Sózińiz perishteniń qulaǵyna shalyn­syn», deımiz. Sıdneı Olımpıadasynyń chem­­­pıony Ermahan Yby­ra­ıymov­ty da ushaqta kezdestirip, biraz áńgi­me­le­sip qalǵan edik. Ol bylaı dedi: «Baký básekesin Olımpıadaǵa daıyn­dyq dep bilińizder. Serik­tiń, Ádilbektiń altyn alma­ǵa­ny­na kóp ókinbeıik, bizge, eń bas­ty­sy, ko­man­danyń birligi kerek. Chıkagoda ótken álem chem­pıo­na­tyn­da altyn medal alǵan on boks­shynyń ekeýi ǵana Beıjiń Olım­pıadasynda ózin dáleldedi. Son­dyq­tan sabyr saq­ta­ǵan jón. Eńdi barlyqtaryńyz kóresizder, búkil álem Ýkraınaǵa qarsy da­ıyn­da­lady. Al biz tasadan sýy­rylyp shyǵýymyz kerek». Erekeń aıt­qandaı, qazir bizge bastysy koman­da­lyq rýh, birlik kerek. Alda Astanada ótetin taǵy bir lısenzııalyq týrnır bar. Sol kezde Aıtjanovtyń koman­da­syn­daǵy boksshylarǵa taǵy da London Olım­pıadasyna lısenzııa alýǵa múmkindik beriledi. Astana týrnırinde birligi myǵym bas bapker Myrzaǵalı Aıt­janov­tyń quramynyń London Olımpıada­sy­na taǵy 4 joldama alatynyna senemiz. Ázirshe bizdiń qurama 6 joldamany ıelenip otyr Dastan KENJALIN. Sýretti túsirgen Vıtalıı GARKÝShA. Baký – Astana.