Jetistiktermen tanystyrdy

«Qazaqstan temir joly» UK» AQ bas ǵımaratynyń májilis zalynda «Remlokomotıv» AQ ulttyq kom­panııa­sy sheteldik áriptesterin Táýelsiz Qazaqstan Res­pýb­lıkasynyń jetistikterimen jáne iri ındýs­trııa­lyq baǵdarlamalardyń iske asý barysymen ta­nystyrdy. «Sımens», «Talgo», «Alstom», «Ansaldo» kom­pa­nııalary «QTJ» UK» AQ-pen birlesip Qazaqstanda jo­laý­shylar vagonyn jáne lokomotıv qurastyrý zaýyt­ta­ryn, el temir jolyna qajetti elektrmen jabdyqtaý, belgi berý jáne baılanys quraldaryn shyǵaratyn kásip­oryn­dardy salýda. Sheteldik ınvestorlar ári tehnologııalyq jetekshi kompanııalar Qazaqstannyń qonaqtary ǵana emes, QTJ-nyń ındýstrııalyq-ınnovasııalyq baǵdarlama­ny júzege asyrýdaǵy senimdi áriptesteri bolyp tabylady. Sheteldik kompanııalardyń ókilderi «Tulpar-Talgo» JShS óndiristik dırektory D.Gomesý, «Ansaldo» kompa­nııa­synyń joba menedjeri T.Býhýnasý, «Alstom Holdıng» aımaqtyq bıznes-dırektory K. Lıýbe jáne taǵy basqalar elimizdiń egemendik alǵan jyldar ishindegi tabystaryn aıtty. Qonaqtar respýblıka Astanasynyń halyqaralyq arenadaǵy bedeli men bolashaqtyń óndiristik iri jobalaryn jasaýdaǵy jetistikterine de rıza boldy. «Egemen-aqparat».