Qazaqstannyń halyq ártisi Dımash Qudaıbergen óziniń áleýmettik jelidegi paraqshasynda mánerlep syrǵanaýdan Qysqy Olımpıada chempıony bolǵan Mıhaıl Shaıdorovty tarıhı jeńisimen quttyqtap, avtokólik syıǵa tartatynyn aıtty.
«Muz ústindegi qozǵalysyń men sheberligiń seni jaı ǵana chempıon emes – búkil elge úmit, rýh pen shabyt syılaǵan úlken tulǵaǵa aınaldyrdy. Sen elimizdiń maqtanyshy, meniń dosym, ózińniń aǵań bolǵan, ókinishke qaraı halqymyzdan erte ketken Denıstiń amanatyna qııanat jasaǵan joqsyń. Onyń aldyndaǵy, el men halyq aldyndaǵy paryzyńdy joǵary deńgeıde abyroımen oryndadyń. Muzdaǵy jolyń árdaıym jaryq, shabytqa toly bolsyn. О́nerińmen álemdi baǵyndyryp, jańa bıikterdi baǵyndyra ber!
Olımpıadada meniń oryndaýymdaǵy ándi tańdaǵanyń úshin saǵan erekshe alǵys aıtamyn. Meni de qatty qýanttyń, baqytqa bólediń. Úlken raqmet! Kólik meniń moınymda. Jeńis qutty bolsyn», dep quttyqtady Dımash.
Armannan altynǵa deıin: Mıhaıl Shaıdorovtyń chempıondyq joly
