Jańadan ashylǵan aýmaǵy 240 sharshy metrdi quraıtyn «AQMOL» saýda úıiniń sórelerinde 7700 taýar túri samsap tursa, sonyń 500-deıi – aqmolalyq taýar óndirýshilerdiń ónimi. Endi kúnbe-kún et pen sút ónimderinen ózge kondıter taǵamdary, bal jáne ózge de úlken suranysqa ıe azyq-túlik túrleri jetkizilip turady. Baǵasy da qaladaǵy dúkenderdegi ortasha kórsetkishten 10-15 paıyzǵa arzan bolady dep kútilýde. Jańadan alynǵan ári eshqandaı deldaldarsyz tikeleı aýyl sharýashylyǵy ónim óndirýshilermen jetkiziletin azyq-túlik ónimderine baǵanyń tómen bolýy da sondyqtan bolsa kerek.
О́ńir basshysynyń málimetine qaraǵanda, azyq-túlikpen qamtamasyz etý jobasyn qarjylandyrý maqsatynda jańadan qurylǵan «AQMOL» JShS jarǵysynyń 40 paıyzdyq úlesi «Esil» ÁKK» AQ-qa tıesili bolsa, qalǵan bóligi iri sanalatyn aqmolalyq ónim óndirýshilerdiń enshisinde. Atap kórsetkende, olardyń ishinde «Rodına» Agrofırmasy» JShS, «Ijevsk» О́K, «Astana Agro Prodýkt», «CAPITAL PROJECTS LTD», «Gormolzavod», «Aına» saýda úıi» jáne ózge de kásiporyndar bar. Ýaqyt óte kele áleýmettik kásipkerlik korporasııasy seriktestik jarǵylyq qorynan shyǵyp, saýda dúkenderi aqmolalyq ónim óndirýshilerdiń quzyryna ótetin bolady. Jalpy, jyl sońyna deıin aýmaǵy 200-den 500 sharshy metr aralyǵyndaǵy 3 dúken ashylsa, kelesi jyly taǵy osyndaı 10 saýda núktesi iske qosylady dep kútilýde.
Aqmola oblysynyń ákimi Málik Myrzalın «AQMOL» JShS-ne nege tek 10 iri kásiporyn ǵana kirip otyrýyna qatysty saýaldyń da jaýabyn aıtty. «Bizde aýyl sharýashylyǵy ónimin óndirýshiler qatary óte kóp. Bastapqy kezeńde úzdiksiz ári kepildi túrde azyq-túlik ónimderin jetkizip turatyn on iri kásiporyndy ádeıi tańdadyq. Olardy turǵyndar jaqsy biledi», dedi Málik Keńesbaıuly. Reti kelgende oblys ákimi elordanyń azyq-túlik beldeýin jáne tutyný rynogyn damytý búgingi tańda Elbasy negizdegen mańyzdy mindet ekendigin ataı ketti. Astanany azyq-túlikpen qamtamasyz etý baǵdarlamasyna sáıkes Aqmola oblysyndaǵy 17 aýdannyń sharýashylyqtary elordaǵa un, jumyrtqa, kartop, et jáne ózge de ónimderdi úzilissiz jetkizip keledi. Qazirgi tańda baǵdarlama aıasynda baǵaǵa yqpal etý, saqtaýǵa ketetin shyǵyndardy baqylaý sııaqty múmkindikterdi qamtıtyn kooperasııa negizindegi birtutas ortalyq qurý jóninde keshendi sharalar qarastyrylýda. Naqty aıtqanda, Astana qalasyn azyq-túlikpen úzilissiz qamtamasyz etý úshin Aqmola oblysy taýar óndirýshileriniń kóterme-taratý ortalyǵyn ashý kózdelip otyr. Bul óz kezeginde qala turǵyndaryn sapaly azyq-túlik ónimderimen qamtamasyz etý máselesin tolyq sheshetin bolady.
Eń bastysy, turǵyndardy jańa jumys oryndarymen qamtamasyz etýdi jaqsartýǵa ıgi yqpalyn tıgizetin jańa jumys oryndary qurylady jáne bıýdjetke qosymsha salyqtyq túsimderdiń túsýine oń áser etedi.
Asqar TURAPBAIULY,
«Egemen Qazaqstan»
Aqmola oblysy
