Tálimdi jastardy tárbıeleýdiń joly

Bul maqalada sanany jań­ǵyrtý, ulttyq bolmystan, ult­tyq kodtan aıyrylyp qalmaı, ony álemdik qundylyqtarmen úı­lestirip, Qazaqstannyń ıgi­li­gine jaratý jolyndaǵy maqsat-múddeler týraly ózekti másele kóterilip otyr.

Ásirese, qazaq tilin birtindep latyn grafıkasyna aýystyrý, «Jańa gýmanıtarlyq bi­lim. Qazaq tilindegi 100 jańa oqý­lyq» jobasy, «Týǵan jer» baǵ­dar­lamasy, «Qazaqstannyń qasıetti jerleri», «Jahandaǵy zamanaýı qazaqstandyq mádenıet», «Qazaqstanyń jańa 100 tulǵasy» atty Elbasynyń qoǵamdyq sanany jańǵyrtýǵa qatysty usynǵan jobalarynyń mańyzdylyǵy aıyryqsha. 

Memleket basshysy rýhanı jańǵyrýǵa qatysty usta­nym­dary áskerı salada da, ıaǵnı Ult­tyq ulan áskerleri tarapynan bir­aýyzdan qoldaý taýyp, ult­tyń kemeldenip damýyna áser etýshi eń mańyzdy faktor retinde baǵalandy. 

Elbasymyzdyń óz maqa­la­syn­da aıtylǵandaı «Qazaqstandaǵy 100 jańa esim» jobasy búgingi zaman­das­tarymyzdyń túrli salalardaǵy jetis­tikterin dá­rip­teýdi qamtamasyz etedi jáne jas­tardy adamgershilikke tárbıe­leýdiń jarqyn úlgisi bolady. Bul tapsyrmalar memlekettiń jáne azamattyq qoǵamnyń barlyq ıdeologııalyq jumysynyń orta merzimdi perspektıvadaǵy negizi bolady.

Osy oraıda «Qazaqstandaǵy 100 jańa esim» jobasy aıasynda Ulttyq ulan Bas qolbasshysy general-leıtenant Rýslan Jaq­sylyqovtyń bastamasymen bizdiń áskerde osyndaı tektes «Ulttyq ulannyń 100 jańa tulǵasy» jobasyn júzege asyrý týraly sheshim qabyldandy.

Atap aıtý kerek, atalǵan joba Ulttyq ulannyń ár ás­ke­rı bólimin qamtıdy. Áskerı bó­limsheler qolbasshylyǵy, ásker ardagerleri jáne áskerı qoǵamdyq uıymdar ókilderinen turatyn komıssııa quramy laıyq­ty degen úmitkerlerdi olar­dyń sińirgen eńbekteri, qyzmettik-jaýyngerlik árekettegi jetis­tik­teri jáne memlekettik nag­ra­da­lardy ıelenýine qaraı baǵa­laı­dy.

Sondaı-aq Kóshbasshymyz óziniń atalmysh tuǵyrnamasynda «Týǵan jer» jobasyna da erekshe basymdyq berip otyr. Otan­súıgishtik sezimniń kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalatynyn qadap aıtty.

Memleket basshysy «Týǵan jer» baǵdarlamasynyń mánin túsindire kelip bilim berý salasynda aýqymdy ólketaný jumystaryn júrgizýdiń mańyzdylyǵyna nazar aýdardy. Osy oraıda áskerimizde, mem­le­kettiq-quqyqtyq sabaǵynda týǵan jerdiń tarıhyn oqytý isine nazar aýdarady.

О́lketaný arqyly jaýyn­ger­lerdi, jastardy otansúıgishtikke tárbıeleýdiń bir joly – týǵan aımaqtyń arheologııalyq eskert­kishterimen tanystyrý. Árbir jaýynger óziniń kishi Otany – týǵan aımaǵynda tarıhtan qalǵan qandaı jádigerler baryn, olardyń mán-mańyzyn bilgende ǵana týǵan ólke tarıhyn bilýge, qurmetteýge degen sezimi oıanady. Áskerı qyzmetshilerdi osyndaı tarıhı-mádenı murajaılarǵa aparyp, el men jer tarıhyna degen sezimderin oıatý mańyzdy isterdiń biri. Osyndaı baǵytta tálim-tárbıe alǵan áskerı kyzmetshiler ásirese jas sarbazdar ári qaraıǵy azamattyq ómirinde eli men jeriniń tarıhyn bilýde, nasıhattaýda jáne qurmetteýde beıtarap qalmaıdy.

Elbasy týǵan jerdiń tarıhyn tek mektepte oqytýmen shektelmeı, «Týǵan jer» baǵdarlamasyn iske asyrýǵa memlekettik qyz­met­kerlerdi, kásipkerlerdi, zııaly qaýymdy, jastardy jumyl­dy­rýdy tapsyrdy. Sondaı-aq, bul jumys jergilikti bılik ókil­deriniń mindeti ekenin kórsetip berdi. Buryn ólketanýshylyq ju­mys­tar negizinen mektepke júk­telip jáne jekelegen ólketa­nýshy adamdardyń úlesine tıse endi, Prezıdent mundaı mańyzdy iske búkil el, barlyq qaýym bolyp qatysýǵa shaqyryp otyr.

Endeshe, jarqyn bolashaqqa baǵdar retinde «Batys» óńirliq qolbasshylyǵynyń jeke qu­ra­my, jas sarbazdarymyz Elba­synyń osy tapsyrmasyn ózderi­niń alǵa qoıǵan ómirlik maqsat­taryna engize otyryp, elimizdiń rýhanı turǵydan damyp, ıntel­lektýaldyq dárejesiniń joǵa­rylaýyna úlesin qosady degen senimdemin.Eń bas­tysy – baǵyt-baǵdarymyz anyq, jolymyz jarqyn.

Álibek SERÁLIEV, 

Qazaqstan Respýblıkasy Ulttyq ulan áskerleriniń «Batys» óńirlik qolbasshylyǵynyń qolbasshysy, general-maıor 

ORAL