«Men qazaq halqynan bastap, barlyǵyna alǵys aıtqym keledi!. Men bárińizdi jaqsy kóremin. Sizder meni óz jaqyndaryńyzdaı etip qabyldadyńyzdar. Fýtbolǵa tánti azamattarǵa, Qazaqstannyń fýtbol federasııasyna rahmet! Bizdi qıyn kúnderde de, qýanyshty sátterde de qoldap kelgen barsha jankúıerimizge alǵys bildirgim keledi. Barlyq áriptesime myń alǵys. Bárimiz birigip, jankúıerlerdiń kóńili úshin, Qazaqstan fýtbolynyń deńgeıin kóterý úshin tynymsyz jumys istedik. Men «Qaıratty» eshqashan da umytpaımyn. Ásirese, klýb prezıdentin, ol meni óziniń balasyndaı qabyldap, fýtbol oınap, múmkindigimdi kórsetýge jaǵdaı jasady. Men osy habarlama arqyly «Qaırat» komandasymen jolymyz ekige aıyrylatynyn jetkizgim keledi. Men qazaq fýtbolyna qýanysh syılaý úshin áli oralamyn degen úmittemin. Men sizderdi jaqsy kóremin. Alǵa, «Qaırat», - dep jazdy Goý.
28 jastaǵy ıvýarlyq surmergen «Qaıratqa» 2014 jyly Reseıdiń «Krasnodarynan» kelgen. Osy kúnge deıin 138 oıyn ótkizip, 99 goldyń avtory atanǵan. Bıyl Premer-lıgada 24 gol soǵyp, úshinshi jyl qatarynan chempıonattyń úzdik surmergeni atandy. Sonymen qatar, bıyl el kýbogynda úsh, Eýropa lıgasynda tórt gol soqqan. «Qaırat» sapynda úsh ret el chempıonatynyń vıse-chempıony atansa, bir ret qolaǵa qol jetkizgen. Budan bólek, úsh márte el kýbogyn jeńip alyp, eki ret Qazaqstan Sýperkýbogynyń ıegeri atanǵan. «Qaıratqa» deıin Kot-d’Ivýar, Marokko, Shveısarııa, Túrkııa, Reseı chempıonattarynda dop tepken.
