Jıyrma jyldyqqa tartý

Elimizdiń keleshek kókjıegin keńeıtip, oı-órisi damýyn ornyq­ty­rýdyń túpki tini – onyń rýhanı áleýeti deńgeıine tikeleı baıla­nys­ty. Osy rette eldiń erteńimen enshiles, búgingisimen bekem baı­la­na­tyn aqparat aıdynyndaǵy basy­lym­dar qatarynda «Egemen Qazaq­standy» aıryqsha ataǵan bolar edim. О́ıtkeni, onyń eń basty maq­saty – eldi árekege emes, berekege shaqyratyny, ár nárseni jelpildetpeı, jelpindirmeı, ustanym­dy­lyqpen, salıqalylyqpen, ulttyq, eldik múdde turǵysynda jetkizýinde. «Baǵalaǵanǵa baq qonady, qadi­ri­ne jetkenge qut qonady» degen. «Egemen» El­ba­synyń, elimizdiń salıqaly da sarabdal saıasatyn, ásirese, táýelsizdik alǵaly qol jetkizgen jetistikterimizdi, tolymdy tabystary­myz­dy or­nyq­ty kórsetýde ózindik bet beınesin kórsete alǵan ba­sylym. Qazir baspasózge jazylý júrip jatqan naý­qan kezinde osy oıǵa úndestik pen qoldaý-demeýdiń máni tipti zor dep oılaımyn. О́ıtkeni, joǵaryda aıt­qanymdaı, baspasóz rýhanı baı­lyqtyń kózi, qoǵam­dyq pikirdiń qozǵaýshy kúshi. Bolashaqqa halyqty jumyldyrýdyń pár­men­di tutqasy. Onyń ústine bıylǵy naýqan el egemen­diginiń jıyrma jyldyq torqaly toıymen qabat kelýde. Al bizdiń halqymyz ata-babamyz armandap, qol jetkizgen egemendi­gimiz­diń, erkin­dik­tiń baǵasyn jaqsy biledi, túsinedi, qadir­leıdi. Qarańyzshy, Qazaqstan nebári jıyrma jyldyń ishinde adam aıtsa nanǵysyz jetistikterge, bedel-abyroıǵa ıe boldy. Basqa­syn aıtpaǵanda, bir ǵana atqa­ryl­ǵan is-shara – Elbasynyń tól perzenti atanǵan Saryarqanyń tósin­de, erke Esildiń jaǵalaýynda Qa­zaqstan táýelsizdiginiń jarqyn kórinisi, dálirek aıtsaq, taza jemisi, egemen eldiń aıbyny men aıbaryna aınalǵan Astanamyzdy alyńyzshy. Dosymyz qarap súıi­ne­tindeı, dush­panymyz qarap kúıi­netindeı. Qashanda «gazet sózin myń kún­dikke» baǵalaıtyn osy basylymnyń baıyrǵy turaqty oqyrmandary – so­ǵys jáne eńbek ardagerlerine, bas­qa da áleýmettik ja­ǵynan qorǵalýǵa tıis aǵaıyndarǵa qurmetim ár­daıym sheksiz. О́ıtkeni, olar buǵan ábden laıyq. Son­dyqtan da jyl saıyn 200 dana jazdyryp beretin dástúrli demeýshilik jasaýdy bıyl da jalǵas­tyryp otyrmyn. Alaıda, el táýelsizdiginiń jıyrma jyldyq torqaly toıyna oraı bul sandy 300-ge jetkizýdi ózimniń azamattyq boryshym sanadym. Kelesi jylǵa jazylý naýqanyna deıin el aman, jurt tynysh, amandyqpen qaýyshýǵa jazsyn, bú­gin­de shapqan attyń qarqynymen qaryshtaı damyp kele jatqan Qazaqstanymyz órkendeı, gúldene bersin. Bolat NAZARBAEV, «BN Sonsulting»  kompanııasynyń prezıdenti.