Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý maqsatynda Jambyl oblystyq tarıhı-ólketaný mýzeıinde Moıynqum aýdanynyń qurmetti azamaty, belgili qusbegi Japar Satylǵanovtyń «Qazaqtyń qusbegilik dástúriniń rýhanı jalǵastyǵy» atty kórmesi ótti. Kórme barysynda qusbegi ǵasyrlar boıy qazaqtyń qanynda qalyptasqan, bolmysymen bite qaınasqan saıatshylyq jóninde áńgimeledi. Sondaı-aq ol babalardan mıras bolyp qalǵan qusbegilik dástúrdi qazaqy saltpen astastyra otyryp damytý qajettigin de sóz etti.
Osy oraıda babadan qalǵan qusbegilik dástúrdi jalǵastyryp kele jatqan Japar Satylǵanov ákesi Tileýjannan qalǵan 28 etnografııalyq buıymdy mýzeı qoryna tapsyrdy. Atalǵan buıymdardyń ishinde qolǵa qus qondyrǵanda kıetin bııalaı, kóne shapan, túlki tymaq, qusqa jem beretin saptaıaq jáne ańshylyqqa shyqqanda belge taǵatyn belbeý sııaqty jádigerler bar.
Hamıt Esaman,
«Egemen Qazaqstan»
Jambyl oblysy
