Alekseı Poltoranın klassıkalyq ádispen 15 km qashyqtyqta márege birinshi bolyp jetti. Ekinshi oryn alǵan norvegııalyq Iohannes Hoesflıot Klebo Alekseıden 13,2 sekýndqa qalyp qoıdy. A.Poltoranınnen 42,8 sekýndqa keıin kelgen shvesııalyq Kalle Halvarsson úzdik úshtikke jaıǵasty.
Otandasymyz osymen qysqy Olımpıada qarsańyndaǵy maýsymdyq jarystarda tórtinshi ret júldege ıe boldy. Osyǵan deıin ol 17 jeltoqsan kúni Italııanyń Toblah qalasynda álem kýbogy kezeńinde 15 km qashyqtyqta klassıkalyq tásilmen izge túsip jarysýda úshinshi oryn alsa, Lenserhaıdede (Shveısarııa) «Týr de Skı» kezeńinde klassıkalyq ádispen 15 km qashyqtyqta júgirýde kúmis júldeger atandy. Sondaı-aq Italııanyń Val-dı-Femme qalasynda 6 qańtar kúni «Týr de Skı» kezeńinde 15 km qashyqtyqta klassıkalyq ádispen chempıon atanǵan edi.
