Qalalyq jumyspen qamtý jáne áleýmettik baǵdarlamalar bóliminiń málimetinshe, ótken jyly 6 áleýmettik nysannyń kireberisi múgedek jandardyń kirip shyǵýyna beıimdelip jasalypty. Qazir 199 ǵımarattyń kireberisi talapqa saı. Qalalyq jumyspen qamtý jáne áleýmettik baǵdarlamalar bóliminde memlekettik áleýmettik tapsyrys sheńberinde «Invataksı» qyzmetin iske qosyldy. Arbaǵa tańylǵandarǵa «Jaratylys-PV», «Kómektes» jáne «Erekshe tańdaý» korporatıvtik qorlary aı saıyn 100-150 adamǵa qyzmet kórsetýde.
Al oblys ortalyǵynda 105 bilim berý, 17 mádenıet, 6 densaýlyq saqtaý, 2 dene shynyqtyrý jáne sport, 4 memlekettik, 2 áleýmettik jáne 7 jeke nysandarynda múmkindigi shekteýli jandarǵa pandýstar ornatyp, beıimdeýdi qajet etedi. Bul basqarmalarǵa ótinish hattar joldanýda. Jumyspen qamtý jáne áleýmettik baǵdarlamalar bólimi múgedekterdiń áleýmettik nysandarǵa kirip-shyǵýyna oraı beıimdeletin nysandar máselesi 2020 jylǵa deıin sheshilmekshi. О́ıtkeni, kedergisiz ómir-múgedek jandarǵa úlken múmkindik. Qazir keıbir nysandarda pandýstardyń ornyna kótergish qurylǵylar da ornatylýda.
Farıda BYQAI,
«Egemen Qazaqstan»
Pavlodar
