Aqpan aıynyń 6-sy men 28-i aralyǵynda EKSPO-2017 kórme kesheniniń nysandaryn Astana qalasynyń 3-11 synyp aralyǵyndaǵy 50 myń oqýshysy aralamaq.
«Atalǵan ekskýrsııalyq baǵdarlama 5 saǵatqa shamalanǵan. Oqýshylar «Nur Álem» sferasynyń 8 qabatyn aralap, keıin «Úzdik tájirıbeler aımaǵyna» barady. Balalar jańartylǵan energııa kózderimen qoldanysqa engizilgen úzdik tájirıbelermen tanyspaq» - dep atap ótti, Balalar men jasóspirimderdiń týrızm jáne ólketaný ortalyǵynyń dırektory Mels Ábenov.
Budan bylaı Ulttyq kompanııa oqýshylarǵa «Kids Future Energy» ashyq sabaǵyn jáne «Juldyzdy ekskýrsııalar men týrlar» ótkizýge kórnekti oqymystylardy, ǵaryshkerlerdi, óner qaıratkerlerin shaqyrmaq.
«EKSPO-2017 murasy nysandary bilim ekskýrsııalaryn ótkizýde sóre alańy bolýy múmkin. Osylaısha kompanııa bilim týrızmin dáripteýge baǵyttalǵan sharalardy ótkizýge nıetti. Ondaı ashyq sabaqtardy biz «Kids Future Energy» dep atadyq. Sonyń ishinde, bolashaq energııasy taqyrybynda fızıka, matematıka, jaratylystaný ǵylymdaryn qamtymaq. Osy sııaqty «ashyq» sabaqtar oqýshylarǵa pánderdi jaqsy meńgerýge kómektespek,» - dep sanaıdy, ulttyq kompanııa bas menedjeri Roza Asanbaeva.
Esterińizge salsaq, 2017 jylǵy 11 qarashada EKSPO-2017 Halyqaralyq mamandandyrylǵan kórmesi nysandary óz jumysyn qaıta bastaǵan. Kelem deýshilerge óz esikterin kórme kesheniniń týrıstik aımaǵynyń «Nur Álem» sferasy – «Bolashaq energııasy» murajaıy, Úzdik tájirıbeler aımaǵy, Energııa holy men Kongress-ortalyǵy ashty.
