Júrekke ájim túspegenimen, salmaq túsedi

Jazýshy Sherhan Murtazanyń «Júrekke ájim túspeıdi» degen shyǵar­masyn súısine oqyp, kóńil shirkinniń qartaımaıtynyn jaqsy bilgenimizben, adamzat balasynyń lúpildegen osy bir názik múshesine salmaq túsetinin, ol sonyń salda­rynan túrli aýrýlarǵa ushyraıty­nyn jaqsy bilemiz. Elimizdegi     A.N.­Syz­­ganov atyndaǵy Ult­tyq ǵy­­ly­mı hırýrgııa ortalyǵy, Kardıologııa ǵylymı-zertteý ınstı­týty, Ult­tyq salamatty ómir sal­tyn qalyp­tastyrý respýblıkalyq orta­lyǵynyń bilikti dárigerleri oblysqa arnaıy kelip, júrek aý­rýlary bo­ıynsha emdeý jáne aldyn alý jóninde óńir maman­daryna keńester berip, derti dendegen naýqastardy qabyldady. Maq­sat – elimizdiń 2011-2015 jyldarǵa ar­nalǵan «Salamatty Qazaqstan» baǵ­darlamasyn iske asyrý men júrek-qan aınalymy aýrýlarynan qaıtys bo­latyndardyń sanyn azaıtýǵa úles qosý. Júrek aýrýy boıynsha búginde oblysta 8 myńnan astam adam esepte tur. Statıstıkalyq málimetter bo­ıynsha, elimizdiń ońtústik aıma­ǵy, onyń ishinde Jambyl obly­synyń turǵyndary arasynda júrek dertine shaldyqqandar sany kóp. Ol shamamen 100 000 turǵynǵa shaq­qanda 222,4 adamnan keledi eken. A.­N.Syz­ǵanov atyndaǵy Ulttyq ǵylymı hırýrgııa ortalyǵynyń bas dırektory Jetkergen Arzyqulov­tyń aıtýynsha, ońtústik halqyna jylyna 7,5 myń adamǵa júrek aqaýy boıynsha túrli otalar jasa­lady. Ásirese, balalar arasynda asqyndap otyrǵan týabitti júrek-qolqa kemistigi aýrýyna ushy­raı­tyndarǵa hırýrgııalyq kó­mek­ter asa kóp qajet. Sebebi, dúnıege keli­simen-aq kúrdeli júrek aqaýy baıqal­ǵan balalardyń 80 paıyzy 1 jasqa jetpeı osy dertten kóz jumady. Osyǵan baılanysty júrek dertinen bolatyn aýrýlardyń aldyn alý, emdeý jumystaryn jandan­dyrý úshin kedergi bolyp otyrǵan máse­le­lerdi sheshýge kómektesý jáne aqyl-keńes berip, oblys dári­gerlerin aldaǵy ýaqytta bul baǵyt­ta atqa­rylar ju­mystardyń jospa­rymen tanystyryp, olarmen ózara táji­rıbe bólisýge kelgen bilikti mamandar Baızaq, Jambyl aýdan­darynda bolyp, muqtaj naýqas­tarǵa tekserý jumystaryn júr­gizdi. Kvota arqyly ulttyq ǵyly­mı-zertteý ınstıtýt­taryna baryp emdelý jó­ninde bir­qatar naýqas­tarǵa joldamalar berý týraly usy­nystar jasady. Júrek-qan tamyr­lary aýrýlary bo­ıynsha respýb­lıkadaǵy úzdik sana­latyn ǵylymı ortalyqtyń bilikti maman­dary aımaq dárigerlerimen ju­mys táji­rı­beleri boıynsha pikir alma­syp, sheberlik synybyn ótkizdi. Sony­men qatar, júrek aýrýynan bolatyn ólim sanyn azaıtý úshin mekemelerdi angıografııamen qamta­masyz etip, aortografııalyq jalǵaý shýnt­tary tárizdi joldarmen emdeý júr­gizetin kadrlardy rezıdentýrada oqy­typ, olarǵa jańa ınno­vasııalyq teh­nologııalardy keńinen qoldanýdy úıretý qajet ekendigin túsindirdi. Oblysta bıyl júrek aýrýlary boıynsha naýqastarǵa arnalǵan 25 orynǵa arnalǵan kardıodıspanser ashylǵan bolatyn. Sondaı-aq, oblys­tyq aýrýhanadaǵy shet memleketterde biliktiligin arttyryp kelgen arnaıy kardıolog-mamandarmen jasaqtalǵan kardıohırýrgııa bólim­shesiniń de jumys istep jatqanyna 2 jyl boldy. Bólimsheni basqa­ratyn Talyp Ashırovtiń aıtýyn­sha, bólimde aptasyna 10-15 kúrdeli otalar jasalady jáne olardyń barlyǵy sátti aıaqtalýda. Operasııadan keıin naýqastar tez arada aıyǵyp ketýde. Tek der kezinde dárigerdiń kómegine júgin­beı, derti asqynǵanda ǵana aq halat­ty­lardan járdem suraıtyndar da bar. – Sondyqtan, turǵyndar aldyn ala dárigerge kórinip, tıisti em qabyldasa, júrek-qan tamyrlary aýrýlary azaı­ǵan bolar edi, – deıdi T.Ashırov. Kósemáli SÁTTIBAIULY. Jambyl oblysy.