Shyǵa sala «Tobyl» komanda kapıtany Azat Nurǵalıev «Jetisý» qaqpasyna eki-úsh márte soqqy baǵyttady. Sóıtip basymdyq tanytqan komanda kezekti qarymta shabýylda esep ashty. Alań ortasynan pas alǵan Baýyrjan Turysbek sol jaq buryshqa tepken doby nysanaǵa dál tıdi. Gol! 1: 0
Osy esep oıyn aıaqtalǵansha saqtalyp, «Tobyl» 1-týrda jeńiske jetti.
Aıta keterligi, búgin elimizdiń alty qalasynda Qazaqstan fýtbol chempıonatynyń birinshi týr oıyndary ótti. «Ordabasy» Shymkentte Qaraǵandynyń «Shahterimen» kúsh synasty. «Qaısar» óz alańynda «Aqtóbemen» oınady. «Ertis» bolsa «Atyraýmen» kezdesti. Elimizdiń birneshe dúrkin chempıondary sanalatyn «Astana» Oraldyń «Aqjaıyǵyn» qabyldady.
