Oǵan úkimettik emes uıymdar men BAQ ókilderi qatysty.
Jıyndy oblys ákimi Serik Bilálov ashyp, elimizdiń joǵary jetistikterine, Táýelsizdiktiń nyǵaıýyna, damýymyzdyń basym baǵyttaryn túsindirýde buqaralyq aqparat quraldarynyń zor úles qosyp otyrǵanyn atap ótti. Úkimettik emes sektor bılik pen qoǵam arasynda túsinikti únqatysý ornatýda, áleýmettik jáne ekonomıkalyq reformalardy júzege asyrýda memlekettiń senimdi serigi bolyp tabylady, dedi aımaq basshysy.
Sosyn ol el Prezıdentiniń Jarlyǵymen bir top soltústikqazaqstandyqtarǵa “Qazaqstan Respýblıkasynyń Táýelsizdigine – 20 jyl” merekelik medalin tabys etti. Olardyń arasynda respýblıkalyq «Egemen Qazaqstan» gazetiniń óńirdegi menshikti tilshisi О́mir Esqalı, “Qyzyljar-Aqparat” KMK dırektory – bas redaktor Káribaı Musyrman, oblystyq «Severnyı Kazahstan» gazetiniń redaktory Nıkolaı Drozdeskıı, “Qazaqstan” RTRK oblystyq fılıalynyń dırektory Erlan Toqshylyq, “Qyzyljar nury” gazetiniń shef-redaktory Zarap Qusaıynov jáne basqalar bar.
Sondaı-aq óńirimizdiń qoǵamdyq-saıası ómirine belsene qatysqany úshin birqatar BAQ qyzmetkerleri men úkimettik emes uıymdardyń ókilderine oblys ákiminiń qurmet gramotalary men alǵys hattary, Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasynyń qurmet gramotalary berildi.
Táýelsizdiktiń 20 jyldyǵy qarsańynda buqaralyq aqparat quraldary arasynda tórt atalym boıynsha oblys ákiminiń syılyǵyna jarııalanǵan konkýrstyń qorytyndylary shyǵarylyp, onyń jeńimpazdary marapattaldy. «Merzimdi baspasózdegi úzdik maqalalar» atalymy boıynsha О́.Esqalı jeńimpaz atanyp, aqshalaı syılyqqa ıe boldy.
Nursaıyn ÁBÝ-ShÁRIP, jýrnalıst.
Soltústik Qazaqstan oblysy.
