Osy maqsatta, 2015 jyldan beri avtomobıl joldaryn salý jáne rekonstrýksııalaý jumystaryn qarqyndy damytýdy kózdeıtin «Nurly jol» memlekettik ınfraqurylymdy damytý baǵdarlamasy júzege asyrylýda. Atalǵan memlekettik baǵdarlama aıasynda Shyǵys Qazaqstan oblysynyń avtojoldaryn damytýǵa baǵyttalǵan aýqymdy jobalar iske asyrylyp keledi. Atap aıtar bolsaq, respýblıkalyq jeliniń negizgi dálizderi bolyp tabylatyn «Qalbataý – Maıqapshaǵaı» (415 km), «Taskesken – Baqty» (20 km), «Pavlodar – Semeı – Qalbataý» (125 km), «Osın asýy» (32 km), «Taldyqorǵan – О́skemen» (449 km) baǵyttaryndaǵy avtojoldardy rekonstrýksııalaý jobalary júzege asyrylýda.
Bıyl Shyǵys Qazaqstan oblysynyń respýblıkalyq mańyzy bar avtomobıl joldaryn damytý jáne jóndeý jumystaryna 34,7 mlrd teńge kóleminde qarajat bólindi, sonyń ishinde 27,1 mlrd teńge respýblıkalyq mańyzy bar avtojoldarǵa jáne 7,6 mlrd teńge jergilikti mańyzdaǵy avtojoldarǵa baǵyttalǵan. Atalǵan jobalar aıaqtalǵannan keıin Shyǵys óńiriniń turǵyndaryn oblys ortalyqtarmen jáne mańyzdy ákimshilik ortalyqtarmen baılanystyratyn sapaly avtomobıl joldarymen qamtamasyz etýge tolyq múmkindik bolady.
Joǵaryda atalǵan «Nurly jol» memlekettik baǵdarlamasynda «Semeı-Qaınar» avtomobıl jolyn rekonstrýksııalaý jumystary qarastyrylmaǵan. Sol sebepti, «Semeı-Qaınar» avtomobıl jolynyń tehnıkalyq jaı-kúıi jyl saıynǵy bólinetin qarajat esebinen aǵymdaǵy jóndeý jáne kútip ustaý jumystary sheńberinde saqtalýda. О́tken jyly «Semeı-Qaınar» avtojolyndaǵy Ashysý ózeni arqyly ótetin kópir kúrdeli jóndeýden ótti. Oǵan respýblıkalyq bıýdjetten 168 mln teńge qarjy bólingen bolatyn. Sondaı-aq osy avtojoldyń uzaqtyǵy 13 km ýchaskesine resaıklıng ádisin qoldaný arqyly ortasha jóndeý jumystary júrgizildi. Oǵan 213 mln teńge bólindi.
2018 jylǵy jóndeý jumystarynyń jospar jobasyn qurý kezinde «Semeı-Qaınar» avtojolynyń 38 shaqyrymyna jóndeý jumystaryn júrgizý qarastyrylǵan bolatyn. Alaıda bıýdjetten bólingen qarajattyń shekteýli bolýyna baılanysty Shyǵys Qazaqstan oblysynyń respýblıkalyq mańyzy bar basym avtojol ýchaskeleri anyqtalyp, «Semeı-Qaınar» avtojoly jóndeý josparyna qosylǵan joq. Degenmen jyl saıynǵy kútip ustaý jumystary sheńberinde avtojoldyń tehnıkalyq jaı-kúıin saqtaýǵa baǵyttalǵan jol shuńqyrlaryn jóndeý, shaǵyl tas jabyndy ýchaskelerdi tegisteý sııaqty jumystar júrgiziledi. Mysaly, ótken jyly atalǵan avtojoldyń aýdany 65 myń m2 ýchaskesine jol shuńqyrlaryn jóndeý jumystary júrgizilgen bolsa, bıyl 81 myń m2 jol shuńqyrlaryn jóndeý, 21 myń m2 marshrýtty tásilmen jóndeý, 119 myń m2 shaǵyl tasty jabyndyny tegisteý jumystary júrgizilýde.
Aldaǵy ýaqytta bıýdjettik qarajattyń bóliný múmkindigine qaraı «Semeı – Qaınar» avtojolyn jóndeý máselesi qaralatyn bolady.
Jol jóndeý jumystary júrgizilgenge deıin, avtojoldardyń tehnıkalyq jaı-kúıi kútip ustaý esebinen saqtalyp, avtokólik quraldarynyń qaýipsiz jáne úzdiksiz qozǵalysyn qamtamasyz etedi, delingen atalǵan resmı jaýap hatta.
