Aımaq basshysy Qumar Aqsaqalov Ortalyq Azııadaǵy ınvestısııalyq korporasııanyń prezıdenti Djan Gaý Chınmen kezdesip, boı kóteretin qurylys nysandary jaıy talqylandy.Byltyr bul salaǵa 80 mıllıard teńge bólinse, bıyl budan da qomaqty qarajat baǵyttalǵan. Qumar Irgebaıuly aspanasty eli qarjygerlerin osy baǵytta áriptestik ornatýǵa shaqyrdy.
Taıynsha aýdanynda kórshi memlekettiń qarjylandyrýymen salynǵan maıly daqyldardy tereńdetip óńdeıtin zaýyt jumys isteıdi. Qyzyljar jáne Ǵ.Músirepov aýdandarynda quramajem zaýyttary turǵyzylýda.
Oblystyq densaýlyq saqtaý basqarmasy basshysynyń orynbasary Dáýrenbek Beısenbaevtyń aıtýynsha, jańa aýrýhananyń qurylysyna 8 gektar jer bólingen. Jobalyq smetalyq qujattar daıyndalǵan soń memlekettik saraptamaǵa beriledi. Joba boıynsha aýrýhana 12 korpýstan turady. Budan bólek dárigerler úshin eki úı turǵyzylady. Sóıtip óńir turǵyndaryna sapaly medısınalyq qyzmet kórsetýdiń sapasy men qoljetimdiligi jaqsaratyn bolady..
Medısınalyq keshen Ońtústik Koreıadaǵy medısına ortalyqtarynyń úlgisinde turǵyzylady. Jergilikti delegasııa osy elmen tájirıbe almasyp, kelisim jasaýǵa attanyp ketipti
«Memlekettik jekemenshik áriptestik aıasynda qurylys bıznesine, joldardy jóndeýge de de qatysýdy oılastyryp otyrmyz.Kópsalaly aýrýhanany 3-3,5 jylda paıdalanýǵa beretin bolamyz», deıdi Ortalyq Azııadaǵy ınvestısııalyq korporasııanyń prezıdenti Djan Gaý Chın.
Atalmysh kompanııa Ortalyq Azııada birqatar iri jobalardy júzege asyrypty. Máselen Tájikstanda 22,8 mıllıon dollardyńelektr zaýytynsalyp, Aýǵanstanda 100 mıllıon dollarǵa joldardy qalpyna keltirýde.
О́zbekstanda jylyna 2 mıllıon tonna sement óndiretin zaýyt salýǵa kelissózder júrgizilýde.
О́mir ESQALI,
«Egemen Qazaqstan»
Soltústik Qazaqstan oblysy
