2018 jyldyń qarashasynda sporttaǵy mansabyn aıaqtaǵan Muqanov budan bylaı jastarǵa jol kórsetpek.
«Jastar quramasynyń tizginin qolǵa alý ońaı sharýa emes. О́ıtkeni, elimizdiń bas quramasynda synǵa túsetin jas sportshylardy daıyndaý mindeti tur aldymyzda. Degenmen, qolǵa alǵan isimdi abyroımen atqaryp, Qazaqstan namysyn abyroımen qorǵaıtyn dzıýdoshylarǵa bar bilgenimdi úıretemin degen oıdamyn. Meniń dzıýdodaǵy tájirıbemniń kómekke keleri sózsiz», - deıdi Azamat Muqanov.
Azamat Muqanov dzıýdodan álem, Azııa chempıonaty men jazǵy Azııa oıyndarynda júldeger atanǵan sportshy.
Sondaı-aq, osyǵan deıin jastar quramasyn jattyqtyryp kelgen Arsen Hatıp qyzdar komandasynyń bas bapkeri bolyp taǵaıyndaldy.
