Osy kúnge deıingi 14 kezdesýdiń barlyǵyn jeńispen aıaqtap, 12 qarsylasyn esinen tandyrǵan birinshi orta salmaqtaǵy Batyr Júkembaevtiń kimmen judyryqtasatyny ázirge belgisiz. Bir anyǵy, ýaqyt ozǵan saıyn álemdik reıtıngte joǵarlap, jankúıerlerdiń kózaıymyna aınalǵan qandasymyz myqty boksshymen qolǵap túıistiredi.
Ekinshi orta salmaqtaǵy Nurzat Sabyrovtyń da qarqyny qýantarlyq. Jerlesimiz 8 ret rıngke kóterilip, barlyǵynda basymdyq tanytty. 7 básekeni merziminen buryn aıaqtady. Ol Sezar Reınosomen kúsh synasady. 32 jastaǵy argentınalyq bylǵary qolǵap sheberi 30 kezdesýdiń teń jarysyn utyp, 11 ret jeńilis tapty. Taǵy 4 jekpe-jekte teń esep tirkeldi.
Ǵalym SÚLEIMEN,
«Egemen Qazaqstan»
