Qazaqstan • 19 Naýryz, 2019

Nursultan Nazarbaev birqatar eldiń basshylarymen telefon arqyly sóılesti

1030 ret
kórsetildi
2 mın
oqý úshin

Elbasy Nursultan Nazarbaev birqatar eldiń basshylarymen telefon arqyly sóılesti dep habarlaıdy Aqorda. 

Nursultan Nazarbaev birqatar eldiń basshylarymen telefon arqyly sóılesti

Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti

Aleksandr Lýkashenko Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı shynaıy qımastyq bildirdi.

Aleksandr Lýkashenko Nursultan Nazarbaevpen kóp jylǵy dostyǵyn jáne Qazaqstan men Belarýs arasynda ornaǵan tatý-tátti qarym-qatynastardy joǵary baǵalaıtynyn atap ótti.

Elder kóshbasshylary aldaǵy ýaqytta turaqty baılanystaryn jalǵastyra berýge ýaǵdalasty.

Sondaı-aq Nursultan Nazarbaev Qyrǵyz Respýblıkasynyń Prezıdenti Sooronbaı Jeenbekovpen telefon arqyly sóılesti

Sooronbaı Jeenbekov Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı qımastyq nıetin bildirdi.

Qyrǵyzstan Prezıdenti Sooronbaı Jeenbekov Nursultan Nazarbaevtyń eki el halyqtary arasyndaǵy baýyrlastyq qarym-qatynastardy nyǵaıtýǵa zor úles qosqanyn atap ótti.

Elder kóshbasshylary aldaǵy ýaqytta  turaqty baılanystaryn jalǵastyra berýge ýaǵdalasty.

Sonymen qatar Nursultan Nazarbaev О́zbekstan Respýblıkasynyń Prezıdenti Shavkat Mırzııoevpen telefon arqyly sóılesti

Shavkat Mırzııoev Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı zor qımastyq nıetin bildirdi.

О́zbekstan Prezıdenti Shavkat Mırzııoev Nursultan Nazarbaevty «osyndaı mańyzdy sheshim qabyldaı biletin uly saıasatker ári Prezıdent» dep atady.

Elder kóshbasshylary aldaǵy ýaqytta turaqty baılanystaryn jalǵastyra berýge ýaǵdalasty.

Budan bólek Nursultan Nazarbaev Armenııa Respýblıkasynyń Premer-Mınıstri Nıkol Pashınıanmen telefon arqyly sóılesti

Nıkol Pashınıan Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı qımastyq nıetin bildirdi.

Armenııa Premer-Mınıstri Nıkol Pashınıan Nursultan Nazarbaevtyń eki el arasyndaǵy ózara tabysty yqpaldastyqty damytýǵa eleýli úles qosqanyn atap ótti.