Qurmetti Nursultan Ábishuly!
«Atameken» QR Ulttyq kásipkerler palatasy elimizdiń barlyq bıznes-qaýymdastyǵy atynan otandyq kásipkerlikke tanytyp otyrǵan ár qoldaýyńyzǵa asa qurmet pen sheksiz alǵysymyzdy bildirýge ruqsat etińiz!
Egemendigimizdi alyp, memleketimizdi kórkeıtip, álemniń básekege qabiletti 50 eliniń qataryna engizý jolyndaǵy jasalǵan ár syndarly qadam - Qazaqstannyń Tuńǵysh Prezıdentiniń enshisinde ekeni sózsiz. Bul joldaǵy jetken ár jetistikke tek elimiz ǵana emes, barsha álem kýá.
Ekonomıkany damytýdaǵy alǵashqy qadamdar, aýqymy keń qajetti reformalar - munyń barlyǵy búgingi kórsetkishterge jetý jolyndaǵy Siz qabyldaǵan salıqaly sheshimderdiń nátıjesi. Elge jańa baǵyt-baǵdar berý, keńestik dáýirden keıingi alǵashqy jyldary naryqtyq ekonomıkaǵa súrinbeı ótý úlken qajyrlyqty qajet etken batyl qadamdar.
Kásipkerlikke bet burý, osy baǵytta halyqqa barynsha qoldaý kórsetip, bıznestegi alǵashqy qadamdarǵa jol ashqan memlekettik baǵdarlamalardy qabyldaýǵa qatysty ár qoldaýyńyzdy rızashylyqpen qabyldadyq. Bul baǵdarlamalardyń barlyǵy iskerlik ahýaldy jaqsartyp, elimizge ınvestısııa tartyp, jeke kásibin ashqysy kelgen azamattar sanyn arttyrýǵa septigin tıgizdi. Táýelsizdik jyldary elimizde myńdaǵan jańa kásiporyn men bıznes-jobalar iske qosyldy. Mıllıondaǵan azamat jeke kásibin ashyp, turaqty tabys kózin qamtamasyz etti.
Nursultan Ábishuly, Sizdiń bastamańyzben Qazaqstanda «Atameken» Ulttyq kásipkerler palatasy quryldy. Osylaısha, otandyq kásipkerlerdiń ortaq shańyraǵyna aınalyp, álemdik naryqta el bıznesiniń teń dárejede ózin tanytýyna bar múmkindikter jasaldy.
Sizdiń ustanǵan syndarly saıasatyńyzdyń arqasynda elimizde kásipkerlikpen aınalysamyn degen azamattarǵa teńdesiz múmkindikter jasalyp, Qazaqstannyń bızneske qolaıly jaǵdaıdy qalyptastyrǵany elenip, álemdik Doing Business reıtingisinde aldyńǵy otyz eldiń qataryna endi.
Búginde elimizde 1,2 mıllıonnan astam kásipker bıznesin júrgizýde. Bul, eń aldymen, Sizdiń júrgizgen ekonomıkalyq reformalaryńyzdyń nátıjesi!
Qarapaıym metallýrgtan bastalǵan eńbek jolyńyz barshamyzǵa eńbekke degen adaldyqty, Otanǵa degen qurmetti dáripteıtin baǵa jetpes úlgi! Bir ǵana Sizdiń ómir jolyńyz mıllıondaǵan otandasymyzdyń jarqyn bolashaqqa, óziniń qabileti men múmkindigine degen senimin eseleı tústetinin atap ótkimiz keledi.
Biz, Qazaqstan kásipkerleri elimizdiń damý baǵyty Siz salǵan sara jolmen júretinine senimdimiz. Kez kelgen úlken istiń qalaı damıtynyn alǵashqy qadamdar aıqyndaıdy. Kez kelgen memlekettiń ekonomıkasy onyń bıznesiniń damýymen tikeleı baılanysty. Al bıznestiń turaqty damýyn qamtamasyz etetin elimizdegi basty tuǵyrdy Siz qalap berdińiz!
Qurmetti Nursultan Ábishuly, bıznes-qaýymdastyq Siz artqan mindetterdi, qoǵam aldyndaǵy áleýmettik jaýapkershiligin tolyq sezinetinin, Siz anyqtap bergen eldiń strategııalyq maqsattaryn oryndaýda bar kúsh-jigerin salatynyn aıtqymyz keledi.
Sizge zor densaýlyq, barlyq isińizge sáttilik pen uzaq ǵumyr tileımiz! Sizdiń ómirlik tájirıbeńiz ben danalyǵyńyz Qazaqstannyń ári qaraı órkendeýine cerpin beretinine nyq senimdimiz!
Asa qurmetpen, QR «Atameken» Ulttyq kásipkerler palatasy
