Rásimnen keıin bolǵan aýdıensııa barysynda Korol 2001 jylǵy sáýir aıynda oryn alǵan Qazaqstannyń Tuńǵysh Prezıdenti Nursultan Nazarbaevtyń Norvegııaǵa jasaǵan resmı saparyn jyly sózben esine aldy. Monarh, ortaq tarıhty zertteýdiń jáne sportty damytýdyń mańyzdylyǵyn atap ótip, Qazaqstan men Norvegııa arasyndaǵy jan-jaqty baılanystardy nyǵaıtý qajettiligine erekshe kóńil aýdardy.
Korol norvegııalyq konkıshiler Almatydaǵy bıik taýly «Medeý» muz aıdynynda álem rekordtaryna ıe bolǵandyǵyn Norvegııada umytylmaǵanyn rastady. Ol Elshiliktiń norvegııalyqtardy Qazaqstan elimen, tabıǵatymen, mádenıetimen, ekonomıkalyq pen ınvestısııa áleýetimen jańadan tanystyrý maqsatyn quptady.
Harald V Qazaqstandaǵy saıası ózgerister men 9 maýsymǵa belgilengen prezıdenttik saılaý jaıyndaǵy aqparatty qyzyǵýshylyqpen qabyl aldy. E.Ahınjanov qazirgi Memleket basshysy Qasym-Jomart Toqaev halyqqa arnaǵan joldaýynda saılaýdyń adal, ashyq jáne ádil ótkizilýine kepildik bergenin atap ótti.
«Norvegııa Qazaqstannyń táýelsizdigin alǵashqy tanyǵan memleketterdiń biri bolǵanyn elimiz umytpaǵan. Shırek ǵasyr boıy Sizdiń elińizqazaqstandyq reformalardyń kóbine, Ulttyq qordy qurýdy qosa alǵanda, úlgi boldy. Búgingi kúnde biz turaqty ekonomıka men qoǵamǵa ıe jappaı ál-aýqatty memleketti qurý salasyndaǵy asa ozyq damý modelderdi qoldanýǵa yntalanýdamyz. Biz qyzyǵatynymyz: jańǵyrmaly energııa, aqyldy qalalar, akvamádenı jáne basqa da ozyq salalar» - dep aıtty Elshi. Sondaı-aq, E.Ahınjanov Qazaqstannyń Shyǵys Qytaıdan Soltústik Eýropaǵa koneınerlerdi búginde eki aptanyń ishinde jetkizýge múmkindik beretin jańa Jibek jolyn qurý sharalary týraly aıtyp berdi.
Elshiniń pikirinshe, Qazaqstan men Norvegııany úılesimdi, qaýipsiz ári berekeli álemdi qurýǵa baǵyttalǵan ortaq yntalar birlestiredi. Ol ıadrolyq synaqtardan asa qııanat kórgen álemdegi elderdiń biri Qazaqstan ekenin eske saldy. Qaıǵyly tájirıbege jáne halyqtyń azabyna negizdene otyryp, Tuńǵysh Prezıdent Nursultan Nazarbaev Qazaqstan mura etip alǵan barlyq ıadrolyq áleýetin bólshekteý týraly tarıhı sheshim qabyldady. E.Ahınjanov 29 tamyzda Semeı qalasynyń óńirinde tuńǵysh ıadrolyq jarylys oqıǵasyna 70 jyl tolatyndyǵyn málimdedi.
Koroldiń aýdıensııasyn keıin úkimettik qabyldaý úıinde senim gramotalaryn tapsyrý rásimine oraı saltanatty fýrshet ótti.
